ಹಿಂಗೆ ಸುಮ್ಮನೆ ಅನಿಸಿದ್ದು ಮಾತ್ರ

ಶ್ರೀ ಗಂಧದ ಗಿಡಗಳು

2009-06-22T15:30:00.001+05:30

ನಮ್ಮ ಬೇಣದಲ್ಲಿ ಬೆಳೆದಿರೋ ಶ್ರೀ ಗಂಧದ ಗಿಡಗಳು. ಮೊದಲು ತುಂಬಾ ಬೆಳಿತಿತ್ತಂತೆ. ಆದ್ರೆ ಮರಿ ವೀರಪ್ಪನ್ ಗಳ ಕಾಟದಿಂದ ಉಳ್ದಿಲ್ಲ ಅಷ್ಟೇ. ನನಗೆ ನೆನಪಿರೋ ಹಂಗೆ ಬೇಣದ ಎಲ್ಲ ದಿಕ್ಕಲ್ಲು ನೂರಾರು ಗಂಧದ ಗಿಡಗಳು ಬೆಳದಿತ್ತು. ಆದ್ರೆ ನಮ್ಮ ಕೆಲ ಕೆಲಸದ ಹುಡುಗರಿಗೆ ಅದರ ಬೆಲೆ ಗೊತ್ತಾಗಿ, ಬೇರು ಸಹಿತ ಕಿತ್ತುಕೊಂಡು ಹೋಗಿ, ಮಾರಿದ್ದಾರೆ. ಹಂಗಂತ ಅದನ್ನ ಮಾರಿ ಅವರೇನು ಉದ್ದಾರ ಅಗ್ಲಿಲ್ಲ್ಲ, ಹೆಂಡ ಕುಡ್ಕೊಂಡು ಹಾಳಾಗ್ ಹೋದ್ರು ಎಲ್ಲ..

ಕೊನೆಗೂ ಮುಗಿತಪ್ಪ ಚುನಾವಣೆ ಅನ್ನೋ ಸರ್ಕಸ್ಸು

2009-05-17T16:33:00.000+05:30

ಅಬ್ಬ…. ಕೊನೆ್ಗೂ ಮುಗಿತು ನಮ್ಮ ದೇಶದ ಸಾರ್ವತ್ರಿಕ ಚುನಾವಣೆ…ಸುಮಾರು ೨ ತಿಂಗಳ ಆಟ ಕೊನೆಗೂ ಕೊನೆಯಾಗಿದೆ. ಗೆದ್ದೋರೆಲ್ಲ ದಿಲ್ಲಿ ತಲ್ಪಿದರೆ, ಸೋತೊರು ಮನೆ ತಲ್ಪಿದ್ದಾರೆ. ಮತದಾರರಿಗೆ ಅಭಿನಂದನೆಗಳು ಕೇವಲ ಒಂದೇ ಗುಂಪನ್ನು ಆರಿಸಿದ್ದಕ್ಕೆ. ಎಲ್ಲಿ ಕಳೆದ ಬಾರಿಯಂತೆ ಎಲ್ಲಾ ಪಕ್ಷಗಳಿಗೂ ಮತ ಹಂಚಿ ದೇಶ ಹರಿದು ಹೋಗತ್ತೇನೋ ಅನ್ಕೊಂಡಿದ್ದೆ, ಪುಣ್ಯಕ್ಕೆ ಹಂಗೆಲ್ಲ ಆಗ್ಲಿಲ್ಲ… ಕಾಂಗ್ರೆಸ್ ಮತ್ತೆ ಆರಿಸಿ ಬಂದಿದೆ (ಓಹ್… ಪೂರ್ತಿ ಜನ ಬೆಂಬಲ ಅದಕ್ಕೆ ಸಿಕ್ಕಿಲ್ಲ, ಇನ್ನೂ ಸ್ವಲ್ಪ ಕೊಂಡ್ಕೊಳ್ಬೇಕಾಗಿದೆ). ಏನೇ ಇರಲಿ, ಕೈಗೊಂಬೆ, ದುರ್ಬಲ ಪ್ರಧಾನಿ ಅಂತೆಲ್ಲ ಅನಿಸಿಕೊಂಡ ಮನಮೋಹನ ಸಿಂಗರೆ ಮತ್ತೆ ಸರ್ಕಾರ ರಚನೆ ಮಾಡುತ್ತಿದ್ದಾರೆ. ಅವರಿಗೆ ನನ್ನ ಶುಭ ಹಾರೈಕೆಗಳು. ಯಾರೂ ಅವರ ಕಾಲನ್ನು ಎಳೆಯದಿದ್ದರೆ, ಸೋನಿಯಾಗೆ ಸುಡ್ಡನ್ನಾಗಿ ಪುತ್ರ ವಾತ್ಸಲ್ಯ ಉಕ್ಕಿ ಹರಿಯದಿದ್ದರೆ, ಅವರು ೫ ವರ್ಷದ ಆಡಳಿತ ಮಾಡಲಿದ್ದಾರೆ.

ನಮ್ಮ ರಾಜ್ಯದ ಜನ ಮತ್ತೊಮ್ಮೆ ತಪ್ಪು ಮಾಡಿದ್ದಾರೆ. ಕೇಂದ್ರದಲ್ಲಿ ಆಡಳಿತ ಕಾಂಗ್ರೆಸ್ಸಿಗೆ ಸಿಕ್ಕರೆ, ಕರ್ನಾಟಕದಲ್ಲಿ ಆರಿಸಿ ಬಂದಿರೋರು BJP ಜನ. ಇವಾಗ ಮತ್ತೆ ರಾಜ್ಯಕ್ಕೆ ಅನ್ಯಾಯ ಆದ್ರೆ ಕೇಳೋರೆ ಇರಲ್ಲ (ಹಿಂದೆ ಇವ್ರೆಲ್ಲ ಕೇಳಿದ್ರು ಅನ್ನೋ ಯಾವ ಪುರಾವೆಗಳೂ ಇಲ್ಲ). ಮತ್ತೆ ರಾಜ್ಯಕ್ಕೆ ಅನ್ಯಾಯ ಆಗುತ್ತದೆ, ಪಕ್ಕದ ರಾಜ್ಯದಿಂದ ೭ ಜನ ಮಂತ್ರಿಗಳು ಆಗೋದು ಕೂಡ ಖಚಿತವಾಗಿದೆ, ನಮ್ಮಲ್ಲಿಂದ ೨ ಜನ ಆಗ್ಬೋದು ಅಷ್ಟೆ (ಕುಮಾರಣ್ಣನ ಸಂಜೆ ಹೊತ್ತಿನ ದರ್ಶನ ಸೇವೆ ಫಲ ಕೊಟ್ಟರೆ, ಅವರೂ ಕೂಡ ಮಂತ್ರಿ ಆಗ್ಬೋದು, ಅದ್ರೆ ಅದು ಸಧ್ಯಕ್ಕೆ ಗ್ಯಾರಂಟೀ ಇಲ್ಲ).

ಹಳೆ ಹುಲಿ (?) ಬಂಗಾರಪ್ಪನವರು ಸಾರೆಕೊಪ್ಪಕ್ಕೆ ವಾಪಾಸು ಬರುವುದು ನಿಜವಾಗಿದೆ. ಅವರ ಮುಂದಿನ ವಿಶ್ರಾಂತಿಯ ದಿನಗಳು ಸುಖವಾಗಿರಲಿ. ಶಿವಮೊಗ್ಗಕ್ಕೆ ಇನ್ನು ರಾಘವೇಂದ್ರನೆ ಗತಿ. ಅಪ್ಪ ಮಕ್ಕಳ ರಾಜ್ಯಭಾರ, ಜಿಲ್ಲೆಗೆ ಭಾರ ಅಗದಿದ್ದರೆ ಸಾಕು ಅಷ್ಟೆ. ರಾಜ್ಯದ ೧೯ ಸ್ಥಾನಗಳಲ್ಲಿ ಪಕ್ಷವನ್ನು ಗೆಲ್ಲಿಸಿದ್ದೀನಿ ಅಂತ ಯಡ್ಯೂರಪ್ಪನವರು ರಾಜ್ಯದ ಅಭಿವೃದ್ಧಿಯ ಬಗ್ಗೆ ಯೋಚಿಸದಿದ್ದರೆ, ಮುಂದಿನ ಚುನಾವಣೆಗೆ ಅವರನ್ನೂ ಮನೆಗೆ ಕಳುಹಿಸುವ ಸಾಧ್ಯತೆಗಳಿವೆ.

ನಾವು ಮೊದಲಿದ್ದ ಬೆಂಗಳೂರು ದಕ್ಷಿಣ ಭಾಗದಲ್ಲಿ ಯುವ ರಾಜಕಾರಣಿ ಕೃಷ್ಣ ಸೋತು, ಅನಂತಕುಮಾರ್ ಮತ್ತೆ ಗೆದ್ದಿದ್ದಾರೆ. ಅದು ಮಾಡ್ಸ್ತಿನಿ ಇದು ಮಾಡ್ಸ್ತಿನಿ ಅಂತೆಲ್ಲ ಭರವಸೆ ಕೊಟ್ಟಿರುವ ಅನಂತ್ ಏನೇನ್ ಮಾಡ್ಸ್ತಾರೆ ಅಂತ ಇನ್ನು ಕೆಲವು ದಿನಗಳಲ್ಲೆ ಗೊತ್ತಾಗತ್ತೆ.

ಚುನಾವಣೆಯಲ್ಲಿ ಖುಶಿ ಕೊಟ್ಟ ವಿಚಾರ ಅಂದ್ರೆ ನನ್ನ ಮೆಚ್ಚಿನ ವ್ಯಂಗ್ಯ ಚಿತ್ರಕಾರ ಜನಾರ್ಧನ ಸ್ವಾಮಿ ಚಿತ್ರದುರ್ಗದಲ್ಲಿ ಆರಿಸಿ ಬಂದಿದ್ದು.

ಕಾಂಗ್ರೆಸ್ಸಿನ ಹಳೆ ತಿಕ್ಕಲು ತಲೆಗಳಾದ ಜನಾರ್ಧನ ಪೂಜಾರಿ, ಮ್ಯಾಗಿ ಸೋತಿದ್ದು ರಾಜ್ಯಕ್ಕೆ ಸ್ವಲ್ಪ ಒಳ್ಳೆಯದೆ ಆಗಿದೆ. ಇನ್ನು ಮೇಲೆ ಮ್ಯಾಗಿ ಮೇಡಮ್ಮು ಮಗಳ ಜೊತೆ ಪಬ್ ಭರೋ ಮಾಡ್ತಾರಾ ಅಂತ ನೋಡ್ಬೇಕು. ಇನ್ನು ಯಾವ ಪಕ್ಷಕ್ಕೂ ಭಾರವಾಗಿದ್ದ ಸಾಂಗ್ಲಿಯಾನ ಸೋತಿದ್ದು ಕರ್ನಾಟಕಕ್ಕೆ ಸಿಕ್ಕ ದೊಡ್ಡ ನೆಮ್ಮದಿ. ಕಾಂಗ್ರೆಸ್ಸಿನ ಲವ ಕುಶರಂತಿದ್ದ ಧರ್ಮಸಿಂಗ್ ಮತ್ತು ಖರ್ಗೆ ಇನ್ನು ಒಟ್ಟಿಗೆ ಸಂಸತ್ತಿಗೆ ಹೋಗ್ತಾರೆ. ಆದ್ರೆ ಇವ್ರ ಮಧ್ಯಕ್ಕೆ ಅದ್ ಹೆಂಗೆ ಮೊಯ್ಲಿ ಆರ್ಸಿಬಂದ್ರು ಅನ್ನೋದು ಅರ್ಥ ಆಗ್ತಿಲ್ಲ. ಮರ್ತಿದ್ದೆ… ಟೀವಿ ಒಳಗೆ ಬಾಯಿ ಬಡ್ಕೊಳ್ತಿದ್ದವರನ್ನು ರಾಜಕೀಯಕ್ಕೆ ತಂದವರೇ ಈ ಭಾರಿ ಆಕೆಯನ್ನ ಅಚಾ ಅಚಾ ಹಂತ ಹಂದು, ನೀ ಮನಿಗೆ ಓಗಮ್ಮ ಹಂತ ಕಳ್ಸಿದಾರೆ.

ಸಿನೆಮಾದೋರನ್ನ ಜನ ರಾಜಕೀಯದಲ್ಲಿ ಮೆಚ್ಚದೆ ಮನೆಗೆ ಕಳುಹಿಸಿ ಒಳ್ಳೇದೇ ಮಾಡಿದ್ರು. ಅಂಬಿ, ಯೋಗಿ (ಮಾಡಿದ್ದು ೨-೩ ಸಿನೆಮ ಅಷ್ಟೆ) ಎಲ್ಲ ಇನ್ಮೆಲೆ ಮತ್ತೆ ವಾಪಾಸ್ ಬರ್ತಾರೆ ಬೆಳ್ಳಿತೆರೆಗೆ. ಬ್ಯಾಡಾ… ಇಲ್ಲಿಗೂ ಬರ್ಬೇಡಿ ಅಂತ ಜನ ಹೇಳೋ ಎಲ್ಲಾ ಸಾಧ್ಯತೆಗಳೂ ಇವೆ.

ಇನ್ನು ಗಣಿಧಣಿ ಅನ್ನಿಸಿಕೊಂಡೋರು ತಮ್ಮ ಮನೆಯ ಮತ್ತಿಬ್ಬರನ್ನು ರಾಜಕೀಯಕ್ಕೆ ತಂದಿದ್ದು ಅಲ್ಲದೆ, ದೆಹಲಿಯಲ್ಲು ತಮ್ಮ ಸ್ಥಾನ ಗಟ್ಟಿ ಮಾಡಿಕೊಂಡಿದ್ದಾರೆ. ಪಕ್ಕದ ರಾಜ್ಯದಲ್ಲಿ ಇವರ ವ್ಯವಹಾರಿಕ ಗೆಳೆಯನೆ ಮತ್ತೆ ಮುಖ್ಯಮಂತ್ರಿ ಆಗುತ್ತಿರುವುದು, ಇವರ ಬಲವನ್ನು ಮತ್ತಷ್ಟು ಹೆಚ್ಚಿಸಲಿದೆ.

ಇನ್ನು ನಮ್ಮ ರಾಜ್ಯದಿಂದ ಗೆದ್ದಿರುವ ಜನ ಯಾವ ಅಭಿವೃದ್ಧಿಯ ಕೆಲಸ ಮಾಡುವ ಭರವಸೆಗಳೂ ಇಲ್ಲ, ಹಂಗಂತ ಇವರು ಕೆಲ್ಸ ಮಾಡ್ಸುತ್ತಾರೆ ಅನ್ನೋ ಯಾವ ನಿರೀಕ್ಷೆಯೂ ಇಲ್ಲ. ಏನೋ ಮತದಾರರ ದಯೆಯಿಂದ ದೆಲ್ಲಿ ಟ್ರಿಪ್ಪಿನ ಭಾಗ್ಯ ದೊರೆತಿದೆ ಅಷ್ಟೆ.

ಕೇರಳ ಮತ್ತೆ ಬಂಗಾಳಗಳಲ್ಲಿ ಲಾಲ್ ಸಲಾಮಿನ ಮಂದಿ ಸೋತಿದ್ದು ಸ್ವಲ್ಪ ಆಶ್ಚರ್ಯ ತಂದಿದೆ. ಅವ್ರನ್ನ ಹೆಸ್ರಿಲ್ಲದ ಹಾಗೆ ಬಡಿದು ಜನ ಮನೆಗಟ್ಟಿದ್ದಾರೆ. ಇನ್ನು ಮೇಲಾದ್ರು ಮನಮೋಹನರು ದೇಶಕ್ಕೆ ಮನಮೋಹಕ ಕೆಲಸ ಮಾಡಬಹುದೇನೋ!! ಹಾಗೆ ಲಾಲೂನ ಲಾಟೀನಿಗೆ ನಿತೀಶರ ಬಾಣ ತಾಗಿ, ಅದರಿಂದ ಬಿದ್ದ ಸೀಮೆಯೆಣ್ಣೆ, ಪಾಸ್ವಾನರ ಮನೆಗೆ ಬೆಂಕಿ ಹಚ್ಚಿದೆ.

ಪಕ್ಕದ ತೆಲುಗು ರಾಜ್ಯದ ಚಿತ್ರರಂಗದ ಸಾರ್ವಭೌಮ ತನ್ನ ತಂಡದೊಂದಿಗೆ ಮಣ್ಣು ಮುಕ್ಕಿದ್ದಲ್ಲದೆ, ಮತ ವಿಭಜನ ಮಾಡಿ, ಹೆರಿಟೇಜ್ ಡೈರಿಯ ನಾಯ್ಡು ಸೋಲುವಲ್ಲಿ ಮಹತ್ತರವಾದ ಕಾಣಿಕೆ ನೀಡಿದ್ದಾನೆ. ಈ ಮನುಶ್ಯ ಕೇವಲ ೮ ತಿಂಗಳ ಪಕ್ಷ ಕಟ್ಟಿ, ತನ್ನ ಮನೆತನಕ್ಕೆ ಮಹತ್ತರವಾದ ಕಾಣಿಕೆ ಸಂಗ್ರಹಿಸಿದ್ದಾನೆ. ನನ್ನ ಗೆಳೆಯರು ನೀಡಿದ ಮಾಹಿತಿ ಪ್ರಕಾರ, ಒಂದು MLA ಟಿಕೇಟಿಗೆ ೨ ಕೋಟಿ, MP ಟಿಕೇಟಿಗೆ ೪-೫ ಕೋಟಿ ಸಂಗ್ರಹಿಸಿದ್ದಾನಂತೆ!! ಬರೀ ಟಿಕೆಟ್ ಮಾರಾಟದಿಂದನೆ ಸುಮಾರು ೬೦೦ ಕೋಟಿ ಮಾಡಿರುವ ಸಾಧ್ಯತೆ ಇದೆ. ಇದು ಯಾವ ಸಿನೆಮಾದ ಯಶಸ್ಸಿಗಿಂತ ಮಿಗಿಲಾದದ್ದೆ!!

ಪ್ರಧಾನಿಯಾಗುವ ಕನಸು ಕಾಣುತ್ತಿದ್ದ ಶ್ರೀ ಅಡ್ವಾಣಿಯವರು ಯಾವುದೇ ನಿವೃತ್ತಿವೇತನವನ್ನು ಅಪೇಕ್ಷಿಸದೆ ಸಕ್ರಿಯ ರಾಜಕೀಯದಿಂದ ನಿವೃತ್ತರಾಗುತ್ತಿದ್ದಾರೆ. ಇನ್ನಾದರೂ ಅವರು ತಮ್ಮ ಉಳಿದ ಸಮಯವನ್ನು ಮನೆಯಲ್ಲೇ ಕಳಿಯಲಿ. ಅವರಿಗೆ ನನ್ನ ಶುಭಹಾರೈಕೆಗಳು.

ಕೊನೆಯದಾಗಿ ಮತ್ತೊಮ್ಮೆ ಮನಮೋಹನರಿಗೆ ಶುಭಾಷಯಗಳು. ಸಧ್ಯದ ಪರಿಸ್ಥಿತಿಯಲ್ಲಿ ಭಾರತ ನಿಮ್ಮಿಂದ ಬಹಳಷ್ಟನ್ನು ಅಪೆಕ್ಷಿಸುತ್ತಿದೆ, ಜನಕ್ಕೆ ಮೋಸ ಆಗುವುದಿಲ್ಲ ಅಂತ ನಂಬಿರುತ್ತೇನೆ, ಒಳ್ಳೆಯ ಕೆಲಸ ಮಾಡಿ ದೇಶಕ್ಕೆ.

BeeChi's Timma Says

2009-03-26T12:17:00.000+05:30

ಕೃಪೆ: ವಿಜಯ ಕರ್ನಾಟಕ

ಬಂಗಾರದ ಬೇಟೆ

2009-02-15T13:02:00.001+05:30

ಅದೆನೊ ಗೊತ್ತಿಲ್ಲ, ನಮ್ ಕಡೆ ಎಲ್ಲರೂ ಗಲ್ಫ್ ದೇಶಗಳಲ್ಲಿ ಬಂಗಾರ ಭಾಳಾನೆ ಸೋವಿ ಅಂತ ಹೇಳ್ತಿರ್ತಾರೆ. ಆದ್ರೆ ನಾನು ಒಂದ್ಸಲನು ಅದನ್ನ ಚೆಕ್ ಮಾಡಿರ್ಲಿಲ್ಲ, ಮಾಡೋಕೆ ಇಷ್ಟನು ಇರ್ಲಿಲ್ಲ. ಸುಧಿ ಬಂಗಾರದ ರೇಟ್ ಟ್ರಾಕ್ ಮಾಡ್ತಿರ್ತಾನೆ ಅವಾಗವಾಗ. ಹೆಂಗು ಅವ್ನು ಬಂದಿದ್ನಲ ಬಹರೇನ್ಗೆ, ಈ ಸಲ ಇದನ್ನ ಪರೀಕ್ಷೆ ಮಾಡೇ ಬಿಡಣ ಅಂತ ಮೊನ್ನೆ ಶುಭ ಶುಕ್ರವಾರ ಸುಧಿ ಜೊತೆ ಬೆಳ್ಳಾನ್ ಬೆಳಿಗ್ಗೆ 11 ಗಂಟೆಗೆ ಬಂಗಾರದ ಅಂಗಡಿಗಳಿಗೆ ನುಗ್ಗಿದೆ. ಮೊದಲಿನ ೨-೩ ಅಂಗಡಿಗಳಲ್ಲಿ ಬಂಗಾರದ ರೇಟ್ ಹಾಕಿರ್ಲಿಲ್ಲ. ಹಂಗೆ ಹುಡುಕ್ತಾ ಹೋದಾಗ ಒಂದು ಅಂಗಡಿಲಿ ಬೋರ್ಡ್ ಕಾಣಿಸ್ತು.

22 ct = BD11.600 (ಸುಮಾರು INR1496.4)

24ct = BD 12.200 (ಸುಮಾರು INR1573.8)

ಎಲ್ಲಾ ಅಂಗಡಿಗಳಲ್ಲು ಇದೇ ರೇಟ್ ಇತ್ತು. ವ್ಯವಹಾರಕ್ಕೆ ಕುತ್ಕೊಂಡ್ರೆ ಸ್ವಲ್ಪ ಕಮ್ಮಿ ಮಾಡ್ತಾರೆ ಅಷ್ಟೆ. ಮನೆಗೆ ಬಂದು ಭಾರತದ ಪೇಪರ್ ನೋಡಿದ್ರೆ ಅಲ್ಲೆ ಇನ್ನೂ ಕಮ್ಮಿ ರೇಟ್ ಇತ್ತು. ಅವಾಗ ಅನ್ಸ್ತು ಇಲ್ಲಿ ಬಂಗಾರ ತೊಗೊಳೋದಕ್ಕಿಂತ ವಾಪಾಸ್ ಊರಿಗೆ ಹೋಗಿ ಬಂಗಾರ ತೊಗೋಳೋದೇ ಒಳ್ಳೇದು ಅಂತ, ಅದೂ ಅಲ್ದೆ ಅಲ್ಲಿ ಹಿಂದು ಡಿಸೈನಾದ್ರು ಸಿಗತ್ತೆ, ಇಲ್ಲಿ ಬರೀ ಸಿಕ್ಕಾಪಟ್ಟೆ ದೊಡ್ಡ ದೊಡ್ಡ ಇಸ್ಲಾಮಿಕ್ ಡಿಸೈನಿನ ಒಡವೆನೆ ಜಾಸ್ತಿ.

ಕೊನೆ ಕೊಸರು: ಹಿಂದೆ ಪಚ್ಚಿ ಊರಿಗೆ ಹೋದಾಗ ಅವಳು ಇಲ್ಲಿ ತೊಗೋಂಡಿದ್ದ ಒಂದು ಓಲೆನ ಅವ್ಳ ಅತ್ತೆಗೆ ತೋರ್ಸಿ, Rs6,000 ಆಯಿತು ಅಂತ ಹೇಳಿದಾಳೆ. ಅದಕ್ಕೆ ಅವ್ಳ ಅತ್ತೆ ಹೇಳಿದ್ದು ಹಿಂಗೆ: “ಅವಾಗ ನನ್ ಓರಗಿತ್ತಿ ದುಬಾಯಿಂದ ಆರ್ ಸಾವಿರಕ್ಕೆ ನೆಕ್ಲೇಸೇ ತೊಗೊಂಡು ಬಂದಿದ್ಲು”. ಅವಾಗ ಬಂಗಾರದ ರೇಟ್ ಎಷ್ಟಿತ್ತು ಅಂತ ಮಾತ್ರ ಹೇಳಿರ್ಲಿಲ್ಲ ಅಷ್ಟೆ.

ಧೂಳ್ ಮಗಾ ಧೂಳ್: Part 2

2009-02-11T12:27:00.004+05:30

ಸಮಯ ಬೆಳಿಗ್ಗೆ ೮.೩೦ ಮೆಕ್ಕ ಕಾಲಮಾನ (ಭಾರತೀಯ ಕಾಲಮಾನ ೧೧.೦೦): ಡಿಪ್ಲೊಮ್ಯಾಟಿಕ್ ಏರಿಯಾ:

ಎಂದಿನಂತೆ ನೀಲಿ ಆಗಸ, ತಂಪಾದ ಗಾಳಿ ಬೀಸುತಿದೆ. ಜನರೆಲ್ಲ ತಮ್ಮ ತಮ್ಮ ಕಛೇರಿಗಳಿಗೆ ಹೋಗಲು ರಸ್ತೆಯಲ್ಲಿ ರಭಸದಿಂದ ತಮ್ಮ ಕಾರುಗಳನ್ನು ಮುನ್ನುಗ್ಗಿಸುತ್ತಿದ್ದಾರೆ. ಯಾವತ್ತಿನಂತೆ ಪಾದಚಾರಿಗಳ ಸಂಖ್ಯೆ ಕಮ್ಮಿ ಇದೆ. ಓಹ್ ನಂಗೂ ಒಂದು ಕ್ಯಾಬ್ ಸಿಕ್ತು, ಹತ್ತಿದೆ. ಇವಾಗ ನಾನಿರೊ ಕಾರು ನಮ್ಮ ಕಛೇರಿ ಇರೊ ಸೀಫ್ ಕಡೆ ಹೋಗ್ತಾಯಿದೆ. ಪಕ್ಕನೆ ಇರೊ ಸಮುದ್ರಕ್ಕೆ ಯಾವತ್ತಿನಂತೆ ಮಣ್ಣು ತುಂಬುವ ಕಾರ್ಯ ಸಾಗುತ್ತಲಿದೆ, ಅದ್ರೊಳಗೆ ಕಟ್ಟಡ ಕಟ್ಟುತ್ತಿರುವ ಕಾರ್ಮಿಕರು ನಿಶ್ಚಿಂತೆಯಿಂದ ಕೆಲಸ ಮಾಡುತ್ತಿದ್ದಾರೆ. ನನ್ ಕಾರು ನಮ್ಮ ಆಫಿಸ್ ತಲ್ಪಿತು.

ಸಮಯ ಬೆಳಿಗ್ಗೆ ೯.೩೦ ಮೆಕ್ಕ ಕಾಲಮಾನ (ಭಾರತೀಯ ಕಾಲಮಾನ ೧೨.೦೦): ಸೀಫ್ ಏರಿಯ

ನೆಮ್ಮದಿಯಿಂದ ಭಾರತೀಯ ಪತ್ರಿಕೆಗಳನ್ನ ಓದುತ್ತಾ, ಕಾಫಿ ಕುಡಿತಿದಿನಿ. ಯಾಕೋ ಕತ್ಲು ಆಗ್ತಿದೆ ಹೊರಗೆ!! ಮನೆಗೆ ಹೊರ್ಡೋ ಸಮಯ ಆಗ್ಬಿಡ್ತಾ ಇಷ್ಟ್ ಬೇಗ!!! ಹೊರಗೆ ಸಕ್ಕತ್ ಕತ್ಲು?? ಎನಾಗ್ತಿದೆ? ಅಷ್ಟ್ರಲ್ಲಿ ಜೋರಾ..ದ ಶ್ಬ್ಧ….. ಫಳಾರ್……..ಏನಾಯ್ತು?? ಏನದು???? ಹೊರಗೆ ಬಂದು ನೋಡಿದ್ರೆ ನಮ್ಮ ಕಟ್ಟಡದ ಕೊನೇ ಮಹಡಿಯ ಗಾಜು ಕೆಳಕ್ಕೆ ಬಿತ್ತು… ರಭಸದಿಂದ ಗಾಳಿ ಬೀಸ್ತಿದೆ!! ಜೊತೆಗೆ ಧೂಳೂ!! ಎನೂ ಕಾಣಿಸ್ತಿಲ್ಲ.. ನೀಚಡಿಯಲ್ಲಿ ಜುಲೈ ತಿಂಗಳ ಮಳೆಯಂತೆ ಧೂಳು ಸುರಿತಿದೆ. ರಸ್ತೆಲಿ ಓಡಾಡೊ ಕಾರುಗಳೆ ಸಂಖ್ಯೆ ಕಮ್ಮಿ ಆಗಿದೆ, ಪಕ್ಕದ ಕಟ್ಟಡ ಕಟ್ಟುವ ಏಶಿಯಾದ ಕಾರ್ಮಿಕರು ಮಾತ್ರ ಕೆಲಸ ಮಾಡ್ತನೇ ಇದಾರೆ. ಅವರಿಗೆ ಒಳಗೆ ಬೆಚ್ಚಗೆ ಕೂಡಲು ಅವಕಾಶ ಇಲ್ಲ, ಬಿಡೋದು ಇಲ್ಲ..

ಪಕ್ಕದಲ್ಲಿರೊ ಫೊಟೊಗಳು ಲಕ್ಷ್ಮಿ ನಮ್ಮ ಮನೆಯ ಮೇಲಿನಿಂದ ತೆಗ್ದಿರೋದು

ಕಂಪ್ಲಿಮೀಟರ್ನಾಗೆ ಅಡಿಕೆ ಮಾರ್ಕ್ಯಂತಾರಂತೆ ಇನ್ಮ್ಯಾಕೆ…

2008-12-04T13:08:00.000+05:30

ಓದಿದ್ರಾ ವಿಸಾರಾವಾ?? ಪ್ಯಾಪರ್ನಾಗ್ ಬಂದಿತ್ತು ಇವತ್ತು. ಸಿಮೊಗಾದಾಗೆ ಹೊಸಾ ಮಂಡಿ ಮಾಡ್ಯಾರಂತೆ! ನಮ್ಮೋವು ಅಡಿಕೆಯಾ ಕಾಂಪ್ಲಿಮೀಟರ್ನಾಗೆ (Computer) ಮಾರ್ಕ್ಯಬೈದಂತೆ, ದಲ್ಲಾಳಿಯೆ ಇಲ್ಲಂತೆ, ಇಂಟ್ರುನೆಟ್ಟು ಸಾಕಂತೆ. ಹೆಂಗೈತೆ ಸುದ್ದಿ??

ಮೊನ್ನೆಗಂಟಾ ನಮ್ಮ್ ರಾಮಿ ಹೇಳ್ತುದ್ಲು, ಅಡಿಕೆಗೆ ರೇಟ್ ಬರಾದಿಲ್ಲ, ಮಾರ್ಕೆಟ್ನಾಗೆ ತಗಣಾದಿಲ್ಲ ಅಂತವಾ. ಇವಗಾ ಎಲ್ಲಾದಕ್ಕು ಕಂಪ್ಲಿಮೀಟರ್ ಬಂದೈತೆ, ನಮ್ಗು ವಸಿ ಒಳ್ಳೆದಾಕತಿ.. ಹೆಂಗ್ ನಡಿತೈತಂತೆ ಗೊತ್ತಾ ಕಂಪ್ಲಿಮೀಟರ್ ಮಂಡಿ, ನಮ್ ಅಯ್ನೋರ್ ತಾವ ಐತಲ ಕಂಪ್ಲಿಮೀಟರ್ ಅದ್ರಗೇ ರೇಟ್ ಬರಿಬೇಕಂತೆ, ಅದನ್ನಾ ಮಂಡಿಗ್ ಬರೊ ಗಿರಾಕಿಗಳು ನೋಡ್ಕ್ಯಂಡು, ಅವ್ರ್ ರೇಟ್ ಹಚ್ತಾರಂತಮ್ಮಿ. ಅಮ್ಯಾಕೆ ಯವಾರ ಕುದ್ರಿದ್ರೆ ನಮ್ದು ಅಡಿಕೆ ಮಂಡಿಕೆ ಕಳ್ಸ್ತುವು. ಅವ್ರು ಅಯ್ನೋರಿಗೆ ದುಡ್ಡು ತಂದ್ ಕೊಡ್ತಾರಂತೆ. ಹಿಂಗೆ ಇದ್ರೆ ಅದೇನ್ ಅರಾಮಾಕತೋ ಎನೋ. ಇಸ್ಟ್ ವರ್ಸಾ ಬ್ಯಾಸಾಯಾ ಮಾಡಾಕ್ ಮುಂಚೆ ಮಂಡಿಲಿ ಸಾಲ ಇಸ್ಕ್ಯಂತುದ್ವಾ, ಕಡಿಕೆ ಅಡಿಕೆ ಮಾರಿ ಸಾಲ ತೀರ್ಸ್ತುದ್ವು. ಇನ್ಮ್ಯಾಕೆ ಹೆಂಗ್ ಆಕತೋ ಎನೊ. ಮಂಡಿಲಿ ಅಡಿಕೆ ಹಾಕಿದ್ರು ಸಾಲ ಕೊಡ್ತುದ್ರು…

ಅಲ್ಲಾ ಈ ಕಂಪ್ಲಿಮೀಟರ್ನಾಗೆ ಅಂತದ್ ಏನೈತಿ ಅಂತ??? ಎಲ್ಲಾದಕ್ಕು ಕಂಪ್ಲಿಮೀಟರ್ ಬೇಕೇ ಬೇಕು ಅಂತಾರಲ.. ಹಿಂಗೆ ಆಗ್ತಿದ್ರೆ ಕಲ್ಟಿನೇಗ್ಲು (Cultivator) ಬದ್ಲು ಕಂಪ್ಲಿಮೀಟರ್ ತಂದ್ರು ತರ್ಬೈದು ಮುಂದಿನ್ ಗದ್ದೆ ಬ್ಯಾಸಾಯಕ್ಕೆ. ಇವಾಗ ಗದ್ದೆ ಅಕ್ಕುಪತ್ರ, ಪಾಣಿ ಎಲ್ಲ ಕಂಪ್ಲಿಮೀಟರ್ನಾಗೇ ಕೊಡ್ತಾರೆ. ಮುಂದೆ ಗದ್ದೆನುವ ಕಂಪ್ಲಿಮೀಟರ್ನಾಗೆ ತೋರ್ಸ್ತಾರೋ ಎನೊ. ಕಂಪ್ಲಿಮೀಟರ್ನಾಗೆ ಬ್ಯಾಸಾಯಾ ಮಾಡ್ಕ್ಯಂಡು ಬದುಕ್ಬೇಕಾಗ್ತತಿ ಮುಂದೆ.

ಇವಾಗಾಗ್ಲೆ ಟ್ಯಾಟ್ರಿ (tractor), ಕಲ್ಟಿನೇಗ್ಲು ಬಂದೆನೆಯ ನಮ್ ದೀವ್ನಾಯಕ್ರು ಹುಡುಗ್ರು ಗದ್ದಿಗೆ ಹೊಗಾದಿಲ್ಲ. ಮಳಿ ಬಿದ್ಮ್ಯಾಗೆ ಒಂದ್ಕಿತ ಹನುಮಂತಿ ಟ್ಯಾಟ್ರಿಲೋ, ಅಂಗಡಿ ಸಿದ್ದಪ್ಪನ್ ಟ್ಯಾಟ್ರಿಲೊ ಕಲ್ಟಿನೇಗ್ಲು ಹೊಡ್ಸಿ ಭತ್ತ ಹಾಕ್ತಾರೆ. ನೆಕ್ಸ್ಟು ಕಂಪ್ಲಿಮೀಟರ್ನಾಗೆ ಭತ್ತ ಬಿತ್ತೋ ಹಂಗೆ ಆಗ್ಬಿಟ್ರೆ ನಮ್ ಹುಡ್ರು ಹನುಮಂತಿ ಅಂಗಡಿ ಮುಂದೆ ಕುನ್ತಂತಾರೆ ಶೆಕೆಂಡ್ಶು ಹೆಂಡ ಸಾರಾಯಿ ಕುಡ್ಕಂಡು.

ಆಗಿರೊದು ಇಷ್ಟೆ: ನವೆಂಬರ್ 28ರಂದು National Spot Exchange Limited (NSEL) ಶಿವಮೊಗ್ಗಾದಲ್ಲಿ ತನ್ನ ಮೊದಲ Internet-based ಅಡಿಕೆ ಮಾರಾಟ ಕೇಂದ್ರ ಉದ್ಘಾಟನೆ ಮಾಡಿದೆ. ಸಧ್ಯಕ್ಕೆ ಕೆಂಪಡಿಕೆ ವ್ಯವಹಾರ ಮಾತ್ರ ನಡೆಯುತ್ತದೆ. ಮುಂದೆ ಚಾಲಿ, ಮೆಕ್ಕೆ ಜೋಳ ಎಲ್ಲಾದನ್ನು ಇದ್ರಲ್ಲೆ ಮಾರೋ ವ್ಯವಸ್ತೆ ಮಾಡುತ್ತಾರಂತೆ. ಇದ್ರಿಂದ ಅಡಿಕೆ ಬೆಳೆಗಾರರಿಗೆ ಏನ್ ಏನ್ ಉಪಯೋಗ ಅಗತ್ತೆ ಅನ್ನೊದು ಇನ್ನೂ ಸರಿಯಾಗಿ ತಿಳಿದು ಬಂದಿಲ್ಲ. (ಉಪಯೋಗ ಅಂದ್ರೆ ಗೊತ್ತಲ, ಮೊದ್ಲೆ ಸಾಲ ಸಿಗತ್ತೊ ಇಲ್ವೊ ಅನ್ನೊದು ಅಷ್ಟೆ).

The National Spot Exchange Ltd (NSEL), India's first online spot trading platform, promoted by Financial Technologies India Limited (FTIL), Multi Commodity Exchange (MSE) and National Agricultural Co-operative Marketing Federation of India (NAFED).

In the initial stage, the exchange is planning to launch arecanut, black pepper, castor seed, coriander, cumin seed, cotton (long and medium) gold, rubber, silver, tur and urad for trading. In the next phase, the exchange may start spot trading in other commodities like industrial metals, fertilizers and pesticides.

As of now, agri-commodities will be launched with production areas as delivery centers of Gujarat, Maharashtra, Karnataka, Kerala, and Bihar. Physical delivery will be on the basis of T+1 and T+3.

ಸ್ನೆಹಸೇತು: ವಿಜಯ ಕರ್ನಾಟಕ ಮತ್ತು Financial Express

ನಗುಮೊಗದ ಕಸ್ಟಮರ್ ಸರ್ವಿಸಾ!!! ಹಂಗಂದ್ರೆ……?????

2008-10-27T15:03:00.000+05:30

ಭಾರತದಲ್ಲೆ ಇರೋರಿಗೆ ಕಸ್ಟಮರ್ ಸರ್ವಿಸ್ ಅಂದ್ರೆ ಏನು ಅಂತ ಬಹಳನೇ ಚನ್ನಾಗಿ ಗೊತ್ತಿರತ್ತೆ, ಆದ್ರೆ ಇಲ್ಲಿ ಹಾಗಲ್ಲ. ಸರ್ವಿಸ್ ಇಂಡಸ್ಟ್ರಿಯಲ್ಲಿ ಇರೋರಿಗೆ ಅದ್ರ ಗಂಧಗಾಳಿನೂ ಇಲ್ಲ, ಕಸ್ಟಮರ್ ಅಂದ್ರೆ ಅವ್ರು ಕೊಡೊ ಸೇವೆನ ಬೇಡೊ ಜನ ಅಂತ ಅನ್ಕೊಂಡಿದಾರೆ. ಇಲ್ಲಿಗೆ ಬಂದಮೇಲೆ ಇವರ ಸೇವಾಮನೋಭಾವ ನೋಡಿ, ಇದನ್ನ ಬರಿಬೇಕಾಯ್ತು.

ಬೆಂಗಳುರು ವಿಮಾನ ನಿಲ್ದಾಣದಲ್ಲಿ ಮೊದಲ ಬಾರಿಗೆ ಇಲ್ಲಿನ ಸರಕಾರಿ ಸ್ವಾಮ್ಯದ Gulf Air ಹತ್ತಿದಾಗಲೆ ಇದರ ಮೊದಲ ಅನುಭವ ಅಯಿತು. ನಗುಮೊಗದ ಸೇವೆ ಕೊಡಿ ಅಂತನೆ ಎಲ್ಲ Airline Companies ಗಗನಸಖಿಯರನ್ನ ಗಗನಸಖರನ್ನ hire ಮಾಡುತ್ವೆ. ಆದರೆ Gulf Air ಏನು ಕಂಡು ಇವರನ್ನ hire ಮಾಡಿದೆ ಅನ್ನೋದು ಇವತ್ತಿಗೂ ಅರ್ಥ ಆಗಿಲ್ಲ. ಎಲ್ಲಾರು ಗಂಟುಮುಖದವರೆ ಅದ್ರಲ್ಲಿ. ಏನ್ ಬೇಕಾದ್ರು ಕೇಳಿ ತಂದ್ ಬಡಿತಾರೆ ನಿಮ್ಮ ಮುಂದೆ, ಆದ್ರೆ ನಗು ಮಾತ್ರ ಅವ್ರಲ್ಲಿ ಕೇಳ್ಬೇಡಿ. ಅದು ಸಿಕ್ಕಲ್ಲ ಕಾಸ್ ಕೊಟ್ರುನು. ಸರಿ ಹಾಳಗ್ ಹೋಗ್ಲಿ ಹೆಂಗು ನಂಗೂ ಸುಸ್ತಾಗಿತ್ತು ಅಂತ ಅವತ್ತು ಅದ್ರ ಬಗ್ಗೆ ತಲೆ ಕೆಡ್ಸ್ಕೊಂಡಿರ್ಲಿಲ್ಲ. ಇನ್ನೇನು ಬಹರೇನ್ ಬರತ್ತೆ ಅನ್ನೋವಾಗ ನನ್ ಪಕ್ಕ ಕುತ್ಕೊಂಡಿದ್ದ ಒಬ್ಬರು ಹಿರಿಯರು ಕೇಳೇಬಿಟ್ರು ಅಲ್ಲಿಯ ಒಬ್ಬ ಗಗನಸಖನಿಗೆ, ನಿಮ್ಮೆಲ್ಲರ ಮನೆಲೂ ಇವತ್ತೇ ಯಾರಾದ್ರು ಸತ್ ಹೋದ್ರಾ ಅಂತ. ಹಂಗೆಲ್ಲ ಏನೂ ಆಗಿಲ್ಲ ಅಂತ confirm ಆದ್ಮೇಲೆ ಮತ್ತೆ ಯಾಕೆ ಎಲ್ಲಾರು ಅಳುಮುಖ, ಗಂಟುಮುಖ ಇಟ್ಕೊಂಡಿದಿರಿ ಅಂತನೆ ಕೇಳಿದ್ರು, ಅವ್ನು ಅದಕ್ಕೆ ಏನೊ ಕಿತ್ ಹೋಗಿರೊ dialogue ಹೊಡ್ದು ಹೋದ. ಆಮೇಲೆ ಮತ್ತೆ ನಮ್ಮ ಬೆಂಗಳೂರಿನ ಹಿರಿಯರೆ ಅವರಿಗೆಲ್ಲ ಇನ್ನೊಂದು ಕಿತ್ ಹೋಗಿರೊ ಜೋಕೆ ಹೇಳಿ ನಗಿಸೊ ಪ್ರಯತ್ನನು ಮಾಡಿದ್ರು.

ಸರಿ ಈ ಜನ ಹಿಂಗೆ ಅಂತ ಅನ್ಕೊಂಡು ನಾನು ನಮ್ ಕಂಪನಿ ಕೊಟ್ಟಿದ್ದ ಅಪಾರ್ಟ್ಮ್ಮೆಂಟ್ಗೆ ಹೋದೆ. ನನ್ ಪುಣ್ಯಕ್ಕೆ ಅಲ್ಲಿ ನಮ್ಮ ದೇಶದವರೆ ಎಲ್ಲಾರು ಇದ್ದಿದ್ರಿಂದ ಹೆಚ್ಗೆ ಎನೂ ತೊಂದರೆ ಆಗಿರ್ಲಿಲ್ಲ.

Mostly ಬಹರೇನಿನ ಗಾಳಿಗೆ ಇರಬೇಕು ಹಿಂಗೆಲ್ಲ ಆಗೋದು. ನಮ್ಮ ದೇಶದ್ದೆ ಆದ ICICI Bankಅಲ್ಲಿ ಸಿಗೋ ಭಾರತೀಯರು ಕೂಡ ಮುಖ ಗಂಟು ಹಾಕ್ಕೊಂಡಿದ್ರು. ನಾನು ನೋಡಿದ ಹಾಗೆ Citi Bank ಒಳಗೆ ಕೆಲ್ಸ ಮಾಡೊ ಭಾರತೀಯರು ಮಾತ್ರ ತಮ್ಮ ಭಾರತೀಯತೆಯನ್ನು ಉಳ್ಸ್ಕೊಂಡಿದಾರೆ ಅಂತ ಅನ್ಸತ್ತೆ. ಅಲ್ಲಿ ಎಷ್ಟೊಂದು ಚನಾಗಿ ನೋಡ್ಕೊಂಡ್ರು. ನಾನು ನನ್ನ ಅಕೌಂಟ್ ಒಪೆನ್ ಮಾಡಿದ ದಿನದಿಂದ ಇವತ್ತಿನವರೆಗು ಚನ್ನಾಗಿನೆ ನೋಡ್ಕೊಳ್ತಿದಾರೆ, ಪರ್ವಾಗಿಲ್ಲ ಅವ್ರು.

ಇನ್ನೊಂದು ಕಸ್ಟಮರ್ ಸರ್ವಿಸ್ ಎಂಬ ಶಬ್ಧದ ಅರ್ಥನೇ ಗೊತ್ತಿಲ್ಲದ ಸಂಸ್ಥೆ ಇದೆ. ಅದ್ರ ಹೆಸ್ರು Zain (Good ಅಂತ ಅರ್ಥ ಬರತ್ತೆ ಇಂಗ್ಲಿಷಲ್ಲಿ). ಇದೊಂದು Vodafone ಸ್ವಾಮ್ಯದ ದೂರವಾಣಿ ಸಂಸ್ಥೆ. ಕಸ್ಟಮರ್ ಸರ್ವಿಸ್ ಅಂದ್ರೆ ಏನೂ ಅನ್ನೊದೇ ಗೊತ್ತಿಲ್ಲ ಇಲ್ಲಿ ಕೆಲ್ಸ ಮಾಡೊ ಜನಕ್ಕೆ. ನಕ್ಕರೆ ಎಲ್ಲಿ make-up ಹಾಳಗತ್ತೋ ಅನ್ನೊ ಭಯ ಇದೆ ಅಂತ ಅನ್ಸತ್ತೆ, ಅದಕ್ಕೆ ಇಲ್ಲಿ ಯಾರೂ smile ಕೂಡ ಮಾಡಲ್ಲ. ಇವ್ರ ಜೊತೆ ಸಕ್ಕತ್ತಾಗೆನೆ ಜಗಳ ಆಡಿದಿನಿ ಈ ವಿಚಾರಕ್ಕೆ. ಮೊನ್ನೆ ಮತ್ತೆ ಹೋದಾಗ ಇನ್ನೊಂದು comlaint ಕೂಡ ಕೊಟ್ಟಿದಿನಿ ಈ ವಿಚಾರವಾಗಿ. ನೊಡ್ಬೆಕ್ ಏನ್ ಮಾಡ್ತಾರೆ ಅಂತ.

ಇಲ್ಲಿನ ಅಂಗಡಿಗಳಲ್ಲೂ ಇದೇ ಹಣೆಬರಹ. ಅದ್ಯಾಕೆ ಇವ್ರನ್ನ ಕೆಲ್ಸಕ್ಕೆ ಇಟ್ಕೊಳ್ತಾರೆ ಅನ್ನೋದೆ ಅರ್ಥ ಆಗಲ್ಲ. ಯಾವ mallಗೆ ಹೋಗಿ, ಯಾವ್ದೇ ಅಂಗಡಿಗೆ ಹೋಗಿ, ಎಲ್ಲಿ ನೋಡಿದರು ಗಂಟು ಮೋರೆಗಳೇ ಕಾಣಿಸೊದು ಇಲ್ಲಿ. ಇವಾಗೆಲ್ಲ ನಂಗೂ ಇದ್ರ ಅಭ್ಯಾಸ ಆಗಿ ಹೋಗಿದೆ, ಅದ್ರ ಬಗ್ಗೆ ಹೆಚ್ಗೆ ತಲೆ ಕೆಡ್ಸ್ಕೊಳೊದಿಲ್ಲ ಇವಾಗ…

ಪುಣ್ಯಕ್ಕೆ ನಮ್ ಕಂಪನಿಲಿ ಇಂತ ಪ್ರಾಬ್ಲಮ್ ಇಲ್ಲ. ಯಾಕೆಂದ್ರೆ ನಮಿಗೆ ಕಸ್ಟಮರ್ಸ್ ಕೂಡ ಇಲ್ಲ….. :)

ಬಹರೇನ್- ಹಿಂಗೆ ಒಂದಿಷ್ಟು ಬಿಟ್ಟಿ ಮಾಹಿತಿ

2008-10-18T21:07:00.002+05:30

ನನಗೆ ಭಾಳ ಇಷ್ಟ ಆಗೋ ವಿಚಾರಗಳಿಂದ ಶುರು ಮಾಡಣ :)

ಈ ದೇಶದಲ್ಲೂ ಸಿನೆಮಾ ಟಾಕಿಸ್ ಇವೆ. ಆವಲ್ ಸಿನೆಮಾ, ಆಲ್ ಹಮ್ರ ಸಿನೆಮಾ, ದಾನ ಸಿನೆಮ, ಸೀಫ್ ಸಿನೆಮಾ ಹೀಗೆ ಹಲವಾರು ಸಿನೆಮಾ ಮಂದಿರಗಳು ಇವೆ. ಇದರಲ್ಲಿ ಅವಲ್, ಹಮ್ರ ಮಾತ್ರ traditional one Screen halls. ಸೀಫ್ ಮತ್ತು ದಾನಾ ಸಿನೆಮಾಗಳು ವಟಾರದ ಟೆಂಟ್ಗಳು. Dana Mall ಒಳಗೆ 12 sceens ಇದ್ದರೆ, Seef Mall ಒಳಗೆ 16 Screens ಇವೆ. ನಮ್ಮ ದೇಶದ ಹಿಂದಿ,ಮಲಯಾಳಿ, ತೆಲುಗು ಮತ್ತು ತಮಿಳು ಸಿನೆಮಾಗಳೂ ಇಲ್ಲಿ ಪ್ರದರ್ಷನ ಆಗುತ್ತವೆ. ಕನ್ನಡ ಮಾತ್ರ ಇಲ್ಲ.

ಇಲ್ಲಿ ಹಿಂದಿ ಸಿನೆಮಾಗಳು ಗುರುವಾರನೆ ಬಿಡುಗಡೆ ಆಗತ್ತೆ. ಇಂಗ್ಲಿಷ್ ಮತ್ತು ಅರಬಿ ಸಿನೆಮಾಗಳಿಗೆ ಯಾವಾಗ್ಲೂ ಜನ ಇರ್ತಾರೆ. ಬೇರೆ ಭಾಷೆಗಳಿಗೆ ಹೆಚ್ಚಿಗೆ ಜನ ಇರದೆ ಟಿಕೆಟ್ ಅರಾಮಾಗಿ ಸಿಗತ್ತೆ. ಸಿನೆಮಾ ನೋಡೊದು ಮಾತ್ರ ಭಾರಿ costly ವ್ಯವಹಾರ. ಇಲ್ಲಿ ticket rate ಶುರು ಆಗೋದೇನೆ ೨.೫ ದಿನಾರಕ್ಕೆ. (ಸುಮಾರು 250 ರುಪಾಯಿ). ಸೀಫ್ ಮತ್ತು ದಾನಾ ಸಿನೆಮಾಗಳಲ್ಲಿ ೩.೫ ದಿನಾರ್ ಅಗತ್ತೆ ಒಂದು ಟಿಕೆಟ್ಗೆ.

ಈ ದೇಶದಲಿ ಪ್ರಪಂಚದ ಎಲ್ಲಾ ಪತ್ರಿಕೆಗಳು ಸಿಗುತ್ವೆ. 200fils (ಅಂದರೆ ಸುಮಾರು 20 ರುಪಾಯಿ) ಇಂದ ಹಿಡಿದು 10 ದಿನಾರವರೆಗಿನ (ಸುಮಾರು 1000ರುಪಾಯಿ) ಪತ್ರಿಕೆಗಳು ಮಾರಾಟ ಅಗುತ್ವೆ. ನಮ್ಮ ಕನ್ನಡದ ತರಂಗ, ಸುಧ, ಲಂಕೆಶ್, ಹಾಯ್ ಬೆಂಗಳೂರು, ಪೋಲೀಸ್ ನ್ಯೂಸ್, ಮುಂತಾದ ವಾರ ಪತ್ರಿಕೆಗಳು, ಪ್ರಜಾವಾಣಿ ಮತ್ತು ಉದಯವಾಣಿ ದಿನ ಪತ್ರಿಕೆಗಳು ಸಿಗುತ್ವೆ. ಇಲ್ಲಿ ಸ್ಥಳೀಯ ಪತ್ರಿಕೆಗಳು ಕೂಡ ಓದೊಕೆ ಚನಾಗಿರುತ್ತವೆ. Gulf Daily News, Khaleej Times, Gulf News, Bahrain Tribune ಎಂಬ ಇಂಗ್ಲಿಷ್ ಭಾಷೆಯ ಪತ್ರಿಕೆಗಳು ಮತ್ತು ೫-೬ ಅರಬಿ ಭಾಷೆಯ ಪತ್ರಿಕೆಗಳು ಇಲ್ಲಿ ಮುದ್ರಣವಾಗುತ್ತವೆ.

ಬಹರೇನಿನಲ್ಲಿ ಭಾರತೀಯ ಹೋಟೆಲುಗಳಿಗೇನು ಬರ ಇಲ್ಲ. ಅವಲ್ ಸಿನೆಮಾದ ಎದುರೆನೆ 4 ಭಾರತೀಯ ಹೋಟೆಲುಗಳಿವೆ. ಅದರಲ್ಲಿ ಬಹಳ ಹೆಸರುವಾಸಿ ಆಗಿರುವುದು ಸಂಗೀತಾ ಎಂಬ ಮದ್ರಾಸಿ ಹೋಟೆಲ್. ಇದರ ಹತ್ತಿರ ಮೈಸೂರು ಹೋಟೆಲ್ , Chef Corner ಮತ್ತು Central Cafe ಎಂಬ ಕನ್ನಡದ ಹೋಟೆಲ್ ಇವೆ. ಅದನ್ನ ಬಿಟ್ಟರೆ ಆನಂದಭವನ ಎಂಬ ಉಡುಪಿ ಮೂಲದ ಹೋಟೆಲ್ ಕೂಡ ಮನಾಮ ಮಾರ್ಕೇಟಿನಲ್ಲಿದೆ.

ಬಹರೇನಿನ ತುಂಬ ಲೆಬನಾನಿ ಹೋಟೆಲ್ ಇವೆ. ಇದಲ್ಲದೆ ಬಹಲಷ್ಟು Dance bars, discoಗಳು ಇವೆ. ಇವುಕ್ಕೆ ಇಂತ ಸೌಲಭ್ಯಗಳೇ ಇರದ ಸೌದಿ ಮತ್ತು ಕುವೈತಿ ಜನರೆನೆ ಹೆಚ್ಚಿನ ಗಿರಾಕಿಗಳು. ಇಲ್ಲಿ ಭಾರತೀಯರಿಗೆ ಯಾವುದೆ ಬೆಲೆ ಇಲ್ಲ. ಇದನ್ನೆಲ್ಲ ಒತ್ತಟ್ಟಿಗಿಟ್ಟರೆ ಅಮೆರಿಕಾ ಮೂಲದ ಹೋಟೆಲ್ಗಳು ಬಹಳಾನೆ ಇವೆ.

ಮೇಲೆ ಕಾಣಿಸುತ್ತಿರುವುದು ಸಂಗೀತಾ ಹೋಟೆಲಿನಲ್ಲಿ ನನಗೆ ಬಹಳ ಇಷ್ಟ ಆದ ತಿಂಡಿ. ಇದಕ್ಕೆ Mini-Tiffin ಅಂತ ಹೇಳ್ತಾರೆ ( ಹಂಗೇನು ನಂಗೆ ಅನ್ಸಲ್ಲ). ಇದಕ್ಕೆ ಕೇವಲ ಒಂದು ದಿನಾರು ಮಾತ್ರ. :) ನಮ್ಮನೆವ್ರಿಗೆ ಇಲ್ಲಿ ಬಹಳ ಇಷ್ಟ ಆಗೊದು ಇಲ್ಲಿ ಸಿಗುವ ಸಂಗೀತಾ Special Falooda. ಅದು ಹೆಂಗಿರತ್ತೆ ಅಂತ ನೀವೆ ನೊಡಿ...

ಈ ದೇಶಕ್ಕೆ ಪ್ರಪಂಚದ ಎಲ್ಲಾ ಭಾಗಗಳಿಂದ ಕೆಲಸಗಾರರು ಬರುತ್ತಾರೆ. ಅದರಲ್ಲಿ ಹೆಚ್ಚಿನ ಜನ ಪಿಲಿಪೈನ್ ದೇಶ, ಭಾರತ, ಪಾಕಿಸ್ತಾನ, ಬಾಂಗ್ಲಾದೆಶದವರೇ ಇದ್ದಾರೆ. ಹೀಗೆ ಬೇರೆ ಬೇರೆ ದೇಶಗಳಿಂದ ಬಂದಿರುವ ಕೆಲಸಗಾರರು ತಮ್ಮ ತಮ್ಮ ದೇಶದಿಂದ ಬಂದಿರುವ ಇತರ ಜನರನ್ನು ಸೇರಲು ತಮ್ಮದೇ ಆದ ಕ್ಲಬ್ಬುಗಳನ್ನು ಹುಟ್ಟುಹಾಕಿದ್ದಾರೆ. ನಮ್ಮ ದೇಶದ ಜನರು 1915ರಲ್ಲೆ Indian Club ಅನ್ನೋ ಸಂಸ್ಥೆಯನ್ನು ಸ್ಥಾಪಿಸಿದ್ದಾರೆ. ಸದ್ಯ ಅದೇನು ಇಡೀ ದೇಶವನ್ನು represent ಮಾಡ್ತಿಲ್ಲ, ಅದು ಇವಾಗ ಕೇರಳೀಯರ ಸಂಸ್ಥೆಯ ತರ ಆಗಿದೆ. ಕನ್ನಡದ ಜನ ತಮಗಾಗಿ ಕನ್ನಡ ಸಂಘ ಶುರು ಮಾಡಿಕೊಂಡಿದ್ದಾರೆ.

ಬಹರೇನಿನ ಬೆಂಕಿ ಬಿಸಿಲಿನಲ್ಲಿ ಒಂದು ಸಣ್ಣ ಪಯಣ

2008-10-04T23:14:00.002+05:30

ಬುಧವಾರ ಬೆಳಿಗ್ಗೆ ನಾನು ಎದ್ದಾಗ ನನ್ನ ಮೊಬೈಲ್ನಲ್ಲಿ ಒಂದು ಮೆಸೇಜ್ ಇತ್ತು, "ನೀವೆಲ್ಲ free ಇದ್ದರೆ ಇವತ್ತು ಬಹ್ರೈನ್ ಸುತ್ತಣ್ವ? ಅಂತ.. ಅದು ನಮ್ಮ ಹೊಸ ಕನ್ನಡಿಗ ದೊಸ್ತು ದಿನೇಶ್ ಕಳಿಸಿದ್ದಾಗಿತ್ತು.. ಸರಿ, ನಮಿಗು ಹೆಂಗು ರಜ ಇತ್ತಲ, ಜೊತೆಗೆ ಸುಧಿ ಕೂಡ ಸೌದಿಯಿಂದ ಬಂದಿದ್ದ, ಈ ದೇಶನ ನೋಡೆಬಿಡನ ನಾವು ಬರ್ತಿವಿ ಅಂತ ಹೇಳಿದ್ವಿ. 11 ಗಂಟೆಗೆ ಹೊರ್ಡೋದು ಅಂತ ಡಿಸೈಡ್ ಅಯಿತು.. ಸರಿ ಎಲ್ಲ ರೆಡಿ ಅಗೊಶ್ಟ್ರಲ್ಲಿ ನೆನಪಾಯಿತು ನಮ್ಮ ಸುಧಿ ಹೊರಗೆ ಎನೂ ತಿನ್ನಲ್ಲ ಅಂತ.... ತಕ್ಷಣಕ್ಕೆ ಲಕ್ಷ್ಮಿ ಹೇಳಿದ್ಲು ನಾನು ಪಲಾವ್ ಮಾಡ್ತಿನಿ ಅಂತ.. ನಾವು ಪಲಾವ್ ಮತ್ತೆ ಮೊಸರನ್ನ ರೆಡಿ ಮಾಡೋಷ್ಟ್ರಲ್ಲಿ 12.30 ಆಗಿತ್ತು. ಅದೆ ಹೊತ್ತಿಗೆ ದಿನೇಶ್ ತಮ್ಮ ಪತ್ನಿಯೊಂದಿಗೆ ಬಂದರು. ಅವರ ಕಾರಿನಲ್ಲೇ ನಮ್ಮ ಬಹ್ರೈನ್ ಯಾತ್ರೆ ಸುಗಮವಾಗಿ ನಡೆಯಿತು.. ಅದರ ಮುಂದಿನ ಕಥೆ...

ಮೊದ್ಲೆ ಒಂದ್ಸಲ ಹೇಳಿದ್ನಲ, ಈ ದೇಶ ತೀರ ಎನು ದೊಡ್ಡದಿಲ್ಲ ಅಂತ, ನಮ್ಮ್ ಬೆಂಗಳೂರಿಗಿಂತ ಸ್ವಲ್ಪ ಸಣ್ಣಕೆ ಇದೆ. ಆದ್ರೆ ಅತ್ಯುತ್ತಮವಾದ ರಸ್ತೆ ಇರೊದ್ರಿಂದ ಬೆಂಗಳೂರಲ್ಲಿ ಸುಸ್ತಾದಷ್ಟು ಸುಸ್ತಾಗಲ್ಲ ಇಲ್ಲಿ. ಅದ್ರಲ್ಲೂ ಕಾರಲ್ಲಿ ಹೋದ್ರೆ ಎನೂ ಗೊತ್ತಾಗೊದಿಲ್ಲ. J

ನಮ್ಮನೆಯಿಂದ ಶುರುವಾದ ಪ್ರಯಾಣ ಈ ದೇಶದ ರಾಜರ ವಂಶದವರು ಇರುವ area ಕಡೆ ತಿರುಗಿತು. ಬಹ್ರೈನಿನಲ್ಲಿ ನಾನು ಕಂಡ ಅತ್ತ್ಯುತ್ತಮವಾದ ರಸ್ತೆ ಅಂದರೆ ಅದೆನೆ. ರಸ್ತೆಯ ಪಕ್ಕದಲ್ಲಿ ಸುಂದರವಾದ ಹಸಿರು ಮರ ಗಿಡಗಳನ್ನ ಬೆಳಸಿದಾರೆ, ( ಇಡೀ ದೇಶದಲ್ಲಿ ಇದೊಂದೆ ರಸ್ತೆ ಹಿಂಗೆ ಹಸಿರು ಹಸಿರಾಗಿ ಇರೊದು ಅನ್ಸತ್ತೆ). ಇಲ್ಲಿಂದ ಮುಂದೆ ಶುರು ಆಗೋದೆ ಬಹ್ರೈನಿನ ಮರುಭೂಮಿ. ( ಹೆಂಗೆ ನೋಡಿದ್ರುನು ನಮ್ಮ ಹಿಂದಿ ಸಿನೆಮಾದಲ್ಲಿ ತೊರ್ಸೊ ಮರುಭೂಮಿ ತರ ಕಾಣ್ಸ್ಲಿಲ್ಲ ಇದು). ಸಕ್ಕತ್ dry ಮರುಭೂಮಿ ಇಲ್ಲಿದು, ಮರಳುಗಾಡು ಅಂತ ಅನ್ನೊಕೆ ಮರಳೇನು ಇಲ್ಲ, ಇರೊದೆಲ್ಲ ಸುನ್ನಕಲ್ಲು ಮಿಶ್ರಿತ ಮಣ್ಣು ಇಲ್ಲಿದು. ಅದಕ್ಕೆ ಇರ್ಬೆಕು ಯಾವಾಗ್ಲು ಬಿಸಿ ಬಿಸಿ ಅಗಿರತ್ತೆ ನೆಲ..

ಹಿಂಗೆ ಮುಂದೆ ಹೊಗ್ತಾ ಇದ್ದಾಗ ಬಹ್ರೈನ್ ವಿಶ್ವ ವಿದ್ಯಾಲಯ ಕಾಣಿಸ್ತು. ನಾವೆನು ಅದ್ರ ಒಳಗೂ ಹೋಗ್ಲಿಲ್ಲ, ಅಕಸ್ಮಾತ್ ಹೋಗಿದ್ರುನು ಉಪಯೋಗ ಎನಿರ್ಲಿಲ್ಲ). ಅಲ್ಲಿಂದನು ಹಂಗೆ ಮುಂದೆ ಹೋದ್ವಿ. ರಸ್ತೆ ಪಕ್ಕದಲ್ಲಿರುವ sign board ಸಹಾಯದಿಂದ ನಾವು ತಲುಪ ಬೇಕಾದ ಸ್ಥಳ First Oil Well of Bahrain ತಲ್ಪಿದ್ವಿ.

ಈ ಮೊದಲ ತೈಲ ಬಾವಿ ಪಕ್ಕನೆ Dar An Naft Oil Museum ಇದೆ. ನಮ್ಮ ದುರಾದ್ರುಷ್ಟಕ್ಕೆ ರಮದಾನ್ ಹಬ್ಬದ ಪ್ರಯುಕ್ತ ಅದಕ್ಕೆ ಅವತ್ತು ರಜ. ಆದ್ರೆ ಪಕ್ಕ ಇರೊ First Oil Well ನೋಡೋಕೆ ಸಿಕ್ತು. ಇವಾಗ ಇದ್ರಲ್ಲಿ ಪೆಟ್ರೋಲಿಯಮ್ ಸಿಗದೆ ಇದ್ರುನು, ಈ ಬಾವಿಗೆ ಬಹಳ ಮಹತ್ವ ಇದೆ. ಅದೇನು ಅಂದರೆ ಇಡೀ Gulf Regionಗೆ ಇದೇ ಮೊದಲ ತೈಲ ನಿಕ್ಷೇಪ ಅಂತೆ. 1931ನೆ ಇಸ್ವಿ ಅಕ್ತೋಬರ್ ತಿಂಗಳಿನಲ್ಲಿ ಇಲ್ಲಿ ನೆಲ ಕೊರಿಯೊಕೆ ಶುರು ಮಾಡಿದ್ರೆ, 1932ನೆ ಇಸ್ವಿ ಜೂನ್ ತಿಂಗಳಿಗೆ ಕಚ್ಚಾ ತೈಲ ಸಿಕ್ಕಿತಂತೆ. ಅಲ್ಲೆ ಇರುವ ಸಣ್ಣ ಬೊರ್ಡಿನಲ್ಲಿ ಬರೆದಿರೊ ಪ್ರಕಾರ ಈ ತೈಲ ಬಾವಿಯಲ್ಲಿ ಗಂಟೆಗೆ 400 ಬ್ಯಾರೆಲ್ ಕಚ್ಚಾ ತೈಲ ಉತ್ಪತ್ತಿ ಮಾಡ್ತಿದ್ರಂತೆ. ಸದ್ಯಕ್ಕೆ ಇದ್ರಲ್ಲಿ ಎನೂ ಸಿಗಲ್ಲ, ಅದಕ್ಕೆ ಇದನ್ನ museum ಮಾಡಿದಾರೆ.

ಇಲ್ಲಿಗೆ ಹೋಗಿದ್ದಕ್ಕೆ ನನ್ಗೆ ಒಂದು ಉಪಯೋಗ ಅಯಿತು. ಮೊದಲಿನಿಂದ ನಾನು ಅಯಿಲ್ ವೆಲ್ ಅಂದರೆ ಹೆಂಗೆಂಗೆ ಇರತ್ತೆ ಅಂತ ಅನ್ಕೊಂಡಿದ್ನೊ ಹಂಗೆ ಇದು ಇರಲ್ಲ ಅನ್ನೋದು ಮನದಟ್ಟಾಯಿತು. ನಮ್ಮೂರಲ್ಲಿ ಸರ್ಕಾರ ತೋಡಿ ಕೊಟ್ಟಿರೊ ಬೋರ್ಗಲ್ ಬಾಮಿಗು ಇದಕ್ಕೂ ಎನೂ ವ್ಯತ್ಯಾಸ ಇರಲ್ಲ. ಅಲ್ಲಿ ಹ್ಯಾಂಡಲ್ ಇರತ್ತೆ, ಇಲ್ಲಿ ಮೋಟಾರ್ ಕೂಡ್ಸಿರ್ತಾರೆ ಅಷ್ಟೆ. ಇವಾಗ ಹೊಸ ಟೆಕ್ನಾಲಜಿ ಉಪಯೊಗಿಸುತ್ತಾರಂತೆ, ಅದೇನು ಅನ್ನೋದು ಗೊತ್ತಾಗ್ಲಿಲ್ಲ ನಂಗೂ.. ಅದ್ರೆ ಇದೇ ತರದ್ದು ಭಾಳಾನೆ ತೈಲ ಬಾವಿಗಳಿವೆ ಇಲ್ಲಿ.

ಇಲ್ಲಿ ಹಾಕಿರೊ ಪೈಪ್ ಗಳನ್ನ ನೋಡಿದ್ಮೇಲೆ ನಮ್ಮೂರಿನ ಭಾಗವತರ ಮನೆ ಪ್ರಶಾಂತಂಗೆ ಇದನ್ನ ತೋರ್ಸ್ಲೇಬೇಕು ಅಂತ ಅನ್ಸ್ತು. ಕಿಲೋಮೀಟರ್ಗಟ್ಲೆ ಪೈಪ್ ಜೋಡ್ಸಿದಾರೆ ಇಲ್ಲಿ. ಪ್ರತಿ oil wellನು oil refinery ಹತ್ತಿರ ಇರೊ Crude Oil Tankಗೆ connect ಮಾಡೋಕೆ ಈ ಪೈಪಿನ ವ್ಯವಸ್ತೆ. ಇದನ್ನೆಲ್ಲ ಕಾಯೋಕೆ ಸರ್ಕಾರ police ಸಿಬ್ಬಂದಿನ ನೇಮಕ ಮಾಡಿದೆ. ಅವ್ರು ಜೀಪಲ್ಲಿ ಸುತ್ತಾಡ್ತಾನೆ ಇರ್ತಾರಂತೆ ಇಲ್ಲೆಲ್ಲಾ. ಕಳ್ಳತನದ ಕಾಟ ಇಲ್ಲದೇ ಇದ್ರುನೂ ಏನೂ ಅಪಾಯ ಆಗದೆ ಇರ್ಲಿ ಅಂತ ಅವ್ರುನ್ನ ಇಟ್ಟಿದಾರೆ ಅಷ್ಟೆ.

ನಮಗೆ museum ಒಳಗೆ ಹೋಗೋಕೆ ಆಗದೆ ಇದ್ರುನು, ಒಂದು live oil well ನೋಡೊಕೆ ಸಿಕ್ತು. ನಾವು ಅದ್ರ ಪಕ್ಕ ಹೋಗಿ ನಿಂತು ಒಂದಿಷ್ಟು ಪಟ ತೆಕ್ಕೊಂಡ್ವಿ. ಈ oil well technology ಚನಾಗಿತ್ತು. ಅದೇ ಸೆಳೆದಿಟ್ಟ crude oilನ ಅದು ಉಪಯೋಗ ಮಾಡ್ಕೊಳತ್ತೆ ಇಂಜಿನ್ ರನ್ ಮಾಡೊಕೆ.

ಇಲ್ಲಿಂದ ನಮ್ಮ ಮುಂದಿನ ಪ್ರಯಾಣ Bahrain International Formula One Circuit ಕಡೆಗೆ. ಹಿಂದೆ ಯಾವಾಗಲೋ TVಲಿ ನೋಡ್ತಿದ್ದ ಬಹ್ರೈನ್ ಫ಼ಾರ್ಮುಲ 1 ಅಂಗಣ ಹತ್ತಿರದಿಂದ ನೋಡೋಕೆ ಬಹಳಾನೆ ಚನಾಗಿದೆ. ವರ್ಷಕ್ಕೆ ಒಮ್ಮೆ ಮಾತ್ರ ಇಲ್ಲಿ Formula 1 ರೇಸ್ ನಡಿಯೊದು. ಸೊ.. ನಮಿಗು ಇಲ್ಲಿ ಇವಾಗ ನೋಡೋಕೆ ಎನೂ ಇರ್ಲಿಲ್ಲ. ಆದ್ರೆ ನವೆಂಬರ್ ತಿಂಗಳಲ್ಲಿ ಅದೆನೊ ಒಂದು ರೇಸ್ ನಡಿಯತ್ತಂತೆ, 3 ದಿನ ಇರತ್ತೆ, ಆದ್ರೆ ಒಮ್ಮೆ ಹೋಗಣ ಅಂತ ಅನ್ಕೊಂಡು ಹತ್ತಿರದಲ್ಲಿದ್ದ ಒಂದು tent ಒಳಗೆ ಹೋದ್ವಿ. ಅಲ್ಲಿ ನೋಡಿದ್ರೆ McLaren Mercedes Formula 1 ಕಾರನ್ನೇ ತಂದಿಟ್ಟಿದಾರೆ!! ಇದೆಲ್ಲೋ ಮೋಸ ಅನ್ಕೊಂಡು ಅದನ್ನ ಅನುಮಾನದ ದ್ರುಷ್ಟಿಲೇ ನೋಡಿದ್ರೆ ನಿಜವಾದ ಕಾರನ್ನೆ ಇಟ್ಟಿದಾರೆ!! ಅದ್ರ ಜೊತೆ ಈ ಎಲ್ಲಾ ಕಾರುಗಳ Fansಗೆ ಮಾರೋಕೆ ಅಂತ T-Shirts, Caps, Shoes, ಹಿಂಗೆ ಏನೇನೇನೋ ಇಟ್ಟಿದ್ರು, ಸಿಕ್ಕಾಪಟ್ಟೇ ಕಾಸ್ಟ್ಲಿ ಅಷ್ಟೆ J

ಹೆಂಗು ನಮಿಗೆ ಓಡ್ಸೊಕೆ Formula 1 Car ಸಿಗಲ್ಲ ಇಲ್ಲಿ, ಅದಕ್ಕೆ ಅವ್ರುನು ಸ್ವಲ್ಪ ತಲೆ ಓಡ್ಸಿ Carting ವ್ಯವಸ್ಥೆ ಮಾಡಿದಾರೆ. ನಾವು ತೀರ ಮುಂಚೆ ಹೋಗಿದ್ವಿ, ಅಲ್ಲಿ ಬಾಗಿಲು ಹಾಕಿತ್ತು.. ಅದಕ್ಕೆ ಮತ್ತೆ ಸ್ವಲ್ಪ ಬಿಸ್ಲು ಕಮ್ಮಿ ಆದ್ಮೆಲೆ ಬರಣ ಅಂತ ಮುಂದಿನ ದಾರಿ ಹಿಡಿದ್ವಿ.

ನಮ್ಮ next stop ಇದ್ದಿದ್ದು ಜ಼ಲಾಕ್ ಅನ್ನೊ ಸಮುದ್ರ ತೀರದಲ್ಲಿ. ಹಬ್ಬದ ರಜಗಳ ಸಾಲೇ ಇದ್ದಿದ್ರಿಂದ ಅಲ್ಲಿ ಭಾಳಾನೆ ಜನ ಇದ್ರು. ಕಾಲಿಡೊಕೂ ಜಾಗ ಇರ್ಲಿಲ್ಲ ನಮಿಗೆ ಅಲ್ಲಿ. ಅದಕ್ಕೆ ಅಲ್ಲಿ ಹೆಚ್ಚಿಗೆ ಸಮಯ ಕಳಿಯದೆ ಮುಂದೆ ಹೋದ್ವಿ.

ಅದು ಅಲ್ ಅರೀನ್, ಬಹರೇನ್ ದೇಶದ ಏಕಮಾತ್ರ wildlife park, ಚಿಕ್ಕ ಕಾಡು ಕೂದ ಇದೆ. ಇಲ್ಲಿ ಕೂಡ ಬಹಳಾನೆ ಜನ ಇದ್ರು, ನಾವು ಹೋಗಿದ್ದು ಕೂಡ ಸ್ವಲ್ಪ ಲೇಟ್ ಅಗಿತ್ತು, ನಮಿಗೆ ಹಸಿವು ಕೂಡ ಆಗಿತ್ತು. ಅಲ್ಲೆ ಮರದ ನೆರಳಿನಲ್ಲಿ ಕುಳಿತು ಮನೆಯಲ್ಲಿ ಮಾಡಿದ ಪಲಾವ್ ಮತ್ತು ಮೊಸರನ್ನ, ಜಿಲೇಬಿ ತಿಂದ್ವಿ. ಇಲ್ಲಿಂದ ಮತ್ತೆ ಫ಼ಾರ್ಮುಲ ೧ ಅಂಗಣಕ್ಕೆ ವಾಪಾಸ್ ಬಂದ್ವಿ. ಅಲ್ಲಿ ೧೦ ನಿಮಿಷ cart drive ಮಾಡೊಕೆ ಪ್ರತಿ ತಲೆಗೆ ೫ ದಿನಾರ್ ಕೊಡಬೇಕು. ನಾವು ೩ ಜನ ಮಾತ್ರ ಆಡಿದ್ವಿ, ಲಕ್ಷ್ಮಿ ಮತ್ತೆ ಸುಧಿ shoe ಹಾಕ್ಕೊಂಡಿರ್ಲಿಲ್ಲ ಅಂತ ಅವ್ರಿಗೆ ಆಡೊಕೆ ಬಿಡ್ಲಿಲ್ಲ.

ಆಟ ಆಡಿ ಮುಗಿಸಿದಾಗ ಸೂರ್ಯ ಮುಳುಗಿದ್ದ, ನಮಿಗುನು ಮನೆ ನೆನಪಾಗಿ ವಾಪಾಸ್ ಬಂದ್ವಿ.

ವೆಜ್ಜೊ?? ನಾನ್ ವೆಜ್ಜೋ????

2008-09-20T15:55:00.000+05:30

ಅದೂ ಒಂದು ಕಾಲ ಇತ್ತು...... ನಾನು ಎನಾದ್ರು ತೊಗೋಳ್ಬೇಕು ಅಂದರೆ ಅದು ಯಾವ ಬ್ರಾಂಡ್, ಎಷ್ಟ್ ದುಡ್ಡಾಗತ್ತೆ, ಎಲ್ಲಿ ಮಾನ್ಯುಫ಼್ಯಾಕ್ಚರ್ ಮಾಡಿದ್ದು ಅಂತೆಲ್ಲಾ ಎನೂ ನೊಡದೆ, ತೊಗೊಳ್ಬೇಕೋ ಬೇಡ್ವೊ ಅಂತನೂ ಯೊಚ್ನೆ ಮಾಡದೆ, ಹಂಗೆ ಸುಮ್ನೆ ತೊಗೋಳ್ತಿದ್ದೆ. ಆದ್ರೆ ಈ ದೇಶದಲ್ಲಿ ಇವಾಗ ಎನಾದ್ರು ತೊಗೊಳ್ಬೆಕು ಅಂದರೆ ೫ ೫ ಸಲ ಯೊಚನೆ ಮಾಡೊಕೆ ಶುರು ಮಾಡಿದಿನಿ...

ಇದ್ರ ಹಿಂದೆ ಹಲವಾರು ಕಾರಣಗಳಿವೆ.... ಮೊದ್ಲು ಎಲ್ಲಿ ಮಾನ್ಯುಫ಼್ಯಾಕ್ಚರ್ ಮಾಡಿದ್ದು ಅನ್ನೋದ್ರ ಬಗ್ಗೆ ಯಾವತ್ತೂ ಯೋಚನೆ ಮಾಡ್ತಿರ್ಲಿಲ್ಲ, ಯಾಕೆಂದ್ರೆ ಎಲ್ಲದನ್ನ ಅಲ್ಲೆ ಬೆಂಗಳೂರಿನ ಹತ್ತಿರನೇ ಎಲ್ಲಾದ್ರು ಮಾನ್ಯುಫ಼್ಯಾಕ್ಚರ್ ಮಾಡಿರ್ತಾರೆ ಅಂತ ಗ್ಯಾರಂಟಿ ಇರ್ತಿತ್ತು. ಅದ್ರೆ ಇಲ್ಲಿಗೆ ಬಂದಮೇಲೆ ಎಲ್ಲಾದ್ರಲ್ಲೂ MADE IN INDIA ಅನ್ನೋ label ಇದ್ಯಾ ಅಂತ ಹುಡುಕೋಕೆ ಶುರುಮಾಡಿದಿನಿ. ಆದ್ರೆ ಅದು ಸಿಗೊದು ಭಾಳನೆ ಕಮ್ಮಿ..

ಭಾರತದಲ್ಲ್ಲಿ ತಿನ್ನೊ ವಸ್ತುಗಳಮೇಲೆ ಹಸಿರು ಅಥವ ಕಂದು ಬಣ್ಣದ ಚುಕ್ಕೆ ಇರ್ತಿತ್ತು, ಅದ್ರಿಂದ ಭಾಳನೆ ಅರಾಮಾಗಿ ಗೊತ್ತಾಗ್ತಿತ್ತು ಅದು ವೆಜ್ಜೊ ಅತ್ವ ನಾನ್-ವೆಜ್ಜೊ ಅಂತ.... ಇಲ್ಲ್ಲಿ ಹಂಗೆಲ್ಲ ಎನ್ ಮಾರ್ಕೂ ಇರಲ್ಲ..( ಅದ್ರೆ ನಮ್ ದೇಶದಿಂದನೇ ಇಂಪೋರ್ಟ್ ಮಾಡ್ಕೊಂಡಿರೊದಾದ್ರೆ ಮಾತ್ರ ಮಾರ್ಕ್ ಇರತ್ತೆ) ಇಲ್ಲಿ ವೆಜ್ಜು ನಾನ್ ವೆಜ್ಜು ಎಲ್ಲಾದನ್ನೂ ಒಟ್ಟಿಗೆ ಇಟ್ಟಿರ್ತಾರೆ.... ಪ್ರತಿಯೊಂದು ಪ್ಯಾಕಿನ ಹಿಂದೆ ಬರ್ದಿರ್ತಾರಲ ಅದನ್ನ ಓದಿದ್ರೆ ಮಾತ್ರ ಗೊತ್ತಾಗತ್ತೆ ಅದು ವೆಜ್ಜೊ ನೊನ್ವೆಜ್ಜೊ ಅಂತ.. ಎಲ್ಲಿ ಮಾನ್ಯುಫ಼್ಯಾಕ್ಚರ್ ಮಾಡಿದ್ದು, ಎನೇನ್ ಹಾಕಿದಾರೆ ಅನ್ನೊದನ್ನೆಲ್ಲಾ ಓದಿ, ಆಮೇಲೆ ಅರ್ಧಘಂಟೆ ಯೋಚನೆ ಮಾಡಿ, ತೊಗೊಳ್ಬೆಕೋ ಬೇಡ್ವೋ ಅಂತ ದೆಸೈಡ್ ಮಾಡೊ ಹೊತ್ತಿಗೆ ಭಾಳಾನೇ ಸುಸ್ತಾಗತ್ತೆ, ಪ್ರತೀ ಕೌಂಟರ್ ಮುಂದೆನು ಇದನ್ನೆ ಮಾಡೊ ಪರಿಸ್ಥಿತಿ ಉಂಟಾಗಿದೆ.. ಇಲ್ಲಿ ಜೀವನ ಶಾನೆ ಕಷ್ಟ ಕಣಣ್ಣೊ...

ಅಯ್ಯೊ ಇನ್ನೊಂದ್ ವಿಚಾರಾನೆ ಹೇಳೊಕೆ ಮರ್ತಿದ್ದೆ.. ಇಲ್ಲಿ ಕೆಲವು ಬೇಕರೀಲಿ ಎಲ್ಲಾದಕ್ಕೂ ಮೊಟ್ಟೆ ಹಾಕ್ತಾರಂತೆ, ಅರಾಮಾಗಿ ಬ್ರೆಡ್ ಕೂಡ ತಿನ್ನೊಕೆ ಆಗಲ್ಲ, ಎಲ್ಲಾದನ್ನೂ ೩ ೩ ಸಲ ಕೇಳಿ ಕನ್ಫ಼ರ್ಮ್ ಮಾಡ್ಕೊಂಡು ತೊಗೊಳ್ಬೇಕು, ಇಲ್ಲಿ ಬೇಕರಿಲಿ ಸಮೊಸ, ಪಕೋಡ, ಕಾರ ಸೇವ್ ಹಿಂಗೆ ಎನೇನೆಲ್ಲ ಮಾರ್ತಾರೆ, ಆದ್ರೆ ಅದನ್ನ ತಿನ್ನೊಕೆ ಮನಸ್ಸು ಬರಲ್ಲ ಅಷ್ಟೆ. ಯಾಕೆಂದ್ರೆ ಅಲೂ ಸಮೊಸ ಜೊತೆ ಖೀಮಾ ಸಮೊಸ ಕೂಡ ಒಟ್ಟೀಗೆ ಮಾಡ್ತಾರೆ......ವೆಜ್ ಪಫ಼್ ಜೊತೆ ಚಿಕನ್ ಪಫ಼್... ಅಲ್ಲಿಗೆ ನಮ್ ಬೇಕರಿ ವ್ಯವಹಾರ ಮುಗಿತು...

ನಿನ್ನೆ ಬೆಳಿಗ್ಗೆ sandwich ತಿನ್ಲೇಬೇಕು ಅಂತ ಅನ್ಸಿಬಿಡ್ತು. ಸರಿ ಹಂಗಾದ್ರೆ ಬೇಕಾಗಿರೊ ಸಾಮಾನೆಲ್ಲ ತರಣ ಅಂತ ಮನೆ ಹತ್ತಿರಾನೆ ಇರೊ ನಮ್ಮ Food World ತರದ್ದು ಅಂಗಡಿ Ashwaq Al-Heiliಗೆ ಹೋದೆ, ಎಲ್ಲಾ ತರಕಾರಿ, ಸೊಪ್ಪು ತೊಗೊಂಡು, Dairy Counterಗೆ ಬಂದೆ, ಅಲ್ಲಿ ಸಿಕ್ಕಾಪಟ್ಟೆ ತರದ್ದು chees ಇಟ್ಟಿದ್ರು.. ಹಿಂದೆ ಒಂದ್ಸಲ ನಮ್ ಪ್ರಶಾಂತ್ ಪಂಡಿತರು ಹೇಳಿದ್ದು ನೆನಪಯಿತು.. ಚೀಸ್ ಕೂಡ ನಾನ್ ವೆಜ್ ಅನ್ನೋದು.... ಸರಿ ಮತ್ತೆ ಅಲ್ಲಿ ನನ್ research ಶುರ್ ಅಯಿತು, pack ಹಿಂದೆ ನೋಡಿದ್ರೆ ಹಾಕಿರೊ ವಸ್ತುಗಳಲ್ಲಿ Natural Rennet from Calf ಅಂತ ಬರ್ದಿದ್ರು... ಮತ್ತೆ ಏನಪ್ಪ ಇದು ಗೋಳು ಅಂತ ಅದನ್ನ ತೊಗೊಳ್ದೆ ಮನೆಗ್ ಬಂದು internet ಒಳಗೆ ಹುಡುಕಿದೆ, ಅವಾಗ ಗೊತ್ತಾಗಿದ್ದು ಇಷ್ಟು.. ಈ ಚೀಸ್ ಅನ್ನೊದನ್ನ ಮಾಡೊಕೆ ಇನ್ನು ಹಾಲು ಕುಡಿಯುವ ಚಿಕ್ಕ ಆಕಳು ಕರುವಿನ ಜಟರದಿಂದ ( ತೀರ ತಿಳಿಲಿಲ್ಲ ಅನ್ನೊರಿಗೆ ಕರು ಹೊಟ್ಟೆಯಿಂದ) ತೆಗ್ಯೊ rennet ಬೇಕಾಗತ್ತಂತೆ.. ಅಲ್ಲಿಗೆ ಚೀಸ್ ಹಾಕಿ sandwich ಮಾಡೊದನ್ನ ಬಿಟ್ಟು, ಹಂಗೆನೆ ತರಕಾರಿ sandwich ಮಾಡಿದೆ..

ನಾನು ಕಂಡ ಬಹ್ರೈನ್ 2

2008-09-05T23:02:00.000+05:30

ಯಾಕೋ ಏನೋ ಗೊತ್ತಾಗ್ತಿಲ್ಲ, ನಮ್ಮ weekend ಪ್ಲಾನ್ಗಳು ಪ್ರತಿ ವಾರನು ಎಕ್ಕುಟ್ಟಿ ಹೋಗ್ತಿವೆ :( ಕಳೆದವಾರ ನಮ್ಮ ಮನೆ ಹತ್ತಿರಾನೆ ಇರೋ ಬಹ್ರೈನ್ ಕೋಟೆ ಮತ್ತು ಸಮುದ್ರ ನೋಡೋಕೆ ಹೋಗಾಣ ಅಂತ ಹೊರಟ್ವಿ. ಆದ್ರೆ ನಡಿತಾ ನಡಿತಾ ಗೊತ್ತಾಯಿತು, ಅದು ನಮ್ಮ ಮನೆಯಿಂದ ಭಾಳನೆ ದೂರ ಇದೆ ಅಂತ. ಅರ್ಧ ದಾರಿ ನಡ್ಕೊಂಡು ಹೊದೊವ್ರು ಮತ್ತೆ ವಾಪಾಸ್ ಬಂದು ಮನೆ ಹತ್ತಿರ ಇರೋ ಶಾಪಿಂಗ್ ಮಾಲ್ಗೆ ಹೊದ್ವಿ.

ಈ ವಾರ ದೇಶದ ದೊಡ್ಡ ಮಸೀದಿ ನೋಡಣ ಅಂತ ಹೊರಟ್ವಿ. ಕಾರ್ಸ್ ಹತ್ತಿ ಹೋದರೆ, ಎಲ್ಲಿ ಇಳಿಬೇಕು ಅನ್ನೋದೇ ತಿಳಿಲಿಲ್ಲ, ಬಸ್ ಮಾತ್ರ ಹೋಗ್ತಾನೆ ಇತ್ತು, ಕೊನೆಗೆ ನಮಿಗೆ ಗೊತ್ತಿರೋ ಒಂದು ಜಾಗಕ್ಕೆ ಅದು ಬಂದಾಗ ಇಳ್ಕೊಂಡ್ವಿ, ಮತ್ತೊಂದ್ ವೀಕ್ ಎಂಡ್ ಬಗೆ ಹರಿತು. ಆದ್ರೆ ಅದರಿಂದ ಒಂದು ಉಪಕಾರನು ಆಯಿತು. ಏನು ಅಂತ ಹೇಳ್ತೀನಿ ಇರಿ....

ನಾವು ಬಸ್ ಇಳಿದ ಜಾಗದ ಹತ್ತಿರಾನೆ ಬಹ್ರೈನ್ ಕನ್ನಡ ಸಂಘ ಇತ್ತು. ಮೊದಲು ಅಲ್ಲಿಗೆ ಹೋದಾಗೆಲ್ಲಾ ಮುಚ್ಚಿದ ಬಾಗಿಲನ್ನ ನೋಡ್ಕೊಂಡು ವಾಪಸ್ ಬರತಿದ್ವಿ. ಇದೇ ಕೊನೆಯ ಟ್ರೈ ಅಂತ ಒಮ್ಮೆ ಒಳಗೆ ಹೋಗಿ ನೋಡಿದ್ರೆ, ಬಾಗ್ಲು ತೆಗ್ದಿತ್ತು, ಒಬ್ನು ಮೀನು ಹಿಡಿತಾ ನಿಂತಿದ್ದ (ಸಮುದ್ರದಲ್ಲಿ ಅಲ್ಲ,ಮೀನಿನ ತೊಟ್ಟಿಲಿ). ಅವನನ್ನ ಕೆಲನ ಅಂತ ನೋಡಿದ್ರೆ ಆ ಮುಂಡೆದಕ್ಕೆ ಕನ್ನಡನೆ ಬರಲ್ಲ, ಆದ್ರೆ ಅವ್ನೆ ಕನ್ನಡ ಸಂಘದ ಮೊದಲ ಕೆಲಸಗಾರ ಅಂತೆ........

ಕೊನೆಗೆ ಒಬ್ಬರು Bahrain Defence Force (ಬಹ್ರೈನ್ ಸೈನ್ಯ)ಗೆ ಕೆಲಸ ಮಾಡುತ್ತಿರುವ ಮಂಗಳೂರಿನ ಶೆಟ್ಟಿ ಅನ್ನೋರು ಸಿಕ್ರು. ಪಾಪ ಅವರೇ ನಾವು ಸಂಘದ ಸದಸ್ಯರಾಗೊದಿಕ್ಕೆ ಏನ್ ಮಾಡ್ಬೇಕು ಅಂತ ಎಲ್ಲ ಹೇಳಿದ್ರು. ಅವರೇ ಅಪ್ಲಿಕೇಶನ್ ಕೊಡಿಸಿ, ಪೆನ್ ಕೊಟ್ಟು, ಏನ್ ಬರೀಬೇಕು ಅಂತಾನು ಹೇಳಿದ್ರು. ನಾನು ತುಂಬಿದ ಅಪ್ಲಿಕೇಶನ್ ನೋಡಿ, 2 ಜನ ಸಾಕ್ಷಿ ಬೇಕು ಅಂತ ಕೇಳ್ಬಿಟ್ರು......

ಈ ದೇಶದಲ್ಲೇ ಯಾರು ನಮಿಗೆ ಗೊತ್ತಿಲ್ಲ, ಇನ್ನು ಸಾಕ್ಷಿ ಎಲ್ಲಿಂದ ಹುಡುಕ್ಕೊಂಡ್ ಬರಲಿ ಅಂದೆ ಅವ್ರಿಗೆ, ಅವಾಗ ಅವ್ರು ನನ್ನ ಪರವಾಗಿ ಸಾಕ್ಷಿಗೆ ಸೈನ್ ಮಾಡಿದ್ರು, ಮತ್ತೊಂದು ಸಾಕ್ಷಿಗೆ ಇನ್ನೊಬ್ರು ಶೆಟ್ಟಿ ಅನ್ನೋರನ್ನ ಹುಡುಕ್ಕೊಂಡ್ ಬಂದ್ರು. ಕೊನೆಗೆ ಗೊತ್ತಾಯಿತು, ಅಲ್ಲಿ ಇರೋ ಸದಸ್ಯರಲ್ಲಿ ಬಹಳ ಜನರ ಹೆಸರು ಶೆಟ್ಟಿ ಅಂತಾನೆ ಅಂತ... ಮುಂದಿನ ಮೀಟಿಂಗ್ ಒಳಗೆ, ನಮ್ಮ ಅಪ್ಲಿಕೇಶನ್ ಬಗ್ಗೆ ಚರ್ಚೆ ಮಾಡಿ, ನಂತರ ಉಳಿದ directors ಒಪ್ಪಿದರೆ ನಮಿಗೆ ಸದಸ್ಯತ್ವ ಕೊಡ್ತಾರಂತೆ, ಅದಕ್ಕೆ ಇನ್ನೆಷ್ಟ ದಿನ ಬೇಕೋ ಏನೋ!! ಆದರೆ ಸದಸ್ಯತ್ವದ ಅಪ್ಲಿಕೇಶನ್ ಕೊಟ್ಟಿದ್ದಕ್ಕೆ ಒಂದು ಉಪಯೋಗ ಆಯಿತು.

ನಾವುನು ಬೇಕಾದ್ರೆ ಅಲ್ಲಿಗೆ ವಾರದ ಕೊನೆಗೆ ಹೋಗಿ, ಅಲ್ಲಿನ ಜನರ ಜೊತೆ ಬೆರಿಬೊದಂತೆ. ಕನ್ನಡ ಸಂಘದಲ್ಲಿ ಫ್ಯಾಮಿಲಿ ಕೇರಂ, ಫ್ಯಾಮಿಲಿ darts, ಕ್ರಿಕೆಟ್ ಎಲ್ಲ ಆಡ್ತಾರಂತೆ (ನಾವು ಹೋದಾಗ ಎಲ್ಲಾ darts ಆಡೋಕೆ ರೆಡಿ ಆಗ್ತಿದ್ರು). ಒಂದು ಚಿಕ್ಕ ಲೈಬ್ರರಿ ಇದೆ, ಕನ್ನಡ, ಹಿಂದಿ, ಇಂಗ್ಲಿಷ ಪುಸ್ತಕಗಳು ಸಿಗುತ್ವೆ, ಓದೋಕೆ ಇಷ್ಟ ಇದ್ರೆ ಪ್ರತಿ ಮಂಗಳವಾರ ಹೋಗಬೇಕಂತೆ. ಲೈಬ್ರರಿ ನೋಡ್ಕೊಳೋರು ವಾರಕ್ಕೆ 2 ಬುಕ್ ಕೊಡ್ತಾರಂತೆ. ಎಲ್ಲ ಇಂಡಿಯನ್ newspapers ಸಿಗತ್ತೆ ಅಲ್ಲಿ, (ಉದಯವಾಣಿ, ಹಾಯ್ ಬೆಂಗಳೂರು, ಲಂಕೇಶ್, Times of India, Gulf Daily News...). ಒಂದು ಪ್ರಾಬ್ಲಮ್ ಎನೂ ಅಂದ್ರೆ ಈ ಕನ್ನಡ ಸಂಘ ಓಪನ್ ಆಗೋದು ಸಂಜೆ 7 ಗಂಟೆ ನಂತರನೆ ಅಂತೆ. ಎಲ್ಲ ಪ್ರೋಗ್ರಾಮ್ಸ್ ಶುರು ಅಗೊಷ್ಟ್ರಲ್ಲಿ 8 ಗಂಟೆ ಆಗಿರತ್ತೆ. ನಮ್ಮ ಹಳ್ಳಿಗೆ ಕೊನೆ ಬಸ್ ಇರೋದು 9.30ಗೆ.. ಮೋಸ್ಟ್ಲಿ ನಮಿಗೆ ಎಲ್ಲ ಪ್ರೋಗ್ರಾಮ್ಸ್ ಅಟೆಂಡ್ ಮಾಡೋಕೆ ಆಗಲ್ಲ ಅಂತ ಕಾಣ್ಸತ್ತೆ. ನೋಡಣ ಏನಾಗತ್ತೆ ಮುಂದೆ ಅಂತ..

ಹೇಳೋಕೆ ಮರ್ತಿದ್ದೆ, ಮೊತ್ತ ಮೊದಲನೆ ಬಾರಿಗೆ ಬಹ್ರೈನಲ್ಲಿ Filter Coffee ಕುಡ್ಯೋ ಯೋಗ ಬಂತು ನಿನ್ನೆ. ಕನ್ನಡ ಸಂಘದ ಹತ್ತಿರ Indian Club ಅಂತ ಇದೆ ( ನಂಗೆ ಸಿಕ್ಕಿರೋ ಮಾಹಿತಿ ಪ್ರಕಾರ ಈ ಇಂಡಿಯನ್ ಕ್ಲಬ್ ಒಳಗೆ ಇರೋದೆಲ್ಲ ಮಲ್ಲುಗಳಂತೆ, so, too much ಮಲ್ಲು politics ಅಂತೆ ಅಲ್ಲಿ). ಈ ಇಂಡಿಯನ್ ಕ್ಲಬ್ ಎದರು ಸಂಗೀತ ಅಂತ ಒಂದು ಸೌತ್ ಇಂಡಿಯನ್ ಹೋಟೆಲ್ ಇದೆ (ಪಕ್ಕಾ ಮದ್ರಾಸಿ ಹೋಟೆಲ್ ಅದು). ಈ ಹೋಟೆಲ್ ಫಿಲ್ಟರ್ ಕಾಫಿ ಸರ್ವ್ ಮಾಡತ್ತೆ.. ಅಬ್ಬ ಎಷ್ಟ್ ದಿನ ಆಗಿತ್ತು ಒಂದು ಒಳ್ಳೆ ಕಾಫಿ ಕುಡಿದು, 250 ಫಿಲ್ಸ್ ಕೊಟ್ಟು ಒಂದು ಕಾಫಿ ತೊಗೊಂಡು ಕುಡ್ಕೊಂಡ್ ಬಂದ್ಮೇಲೆ ಭಾಳನೆ ಖುಷಿ ಆಯಿತು, ಮನಸ್ಸಿಗೂ ಸಮಾಧಾನ ಆಯಿತು. ಸ್ಟೋರಿ ಈಲ್ಲಿಗೆ ಮುಗಿಲಿಲ್ಲ, ನಮ್ಮ ಮನೆವ್ರು ಹೋಟೆಲ್ ಹುಡ್ಗನ್ನ ಕೇಳೆ ಬಿಟ್ರು ಕಾಪಿ ಪುಡಿ ಎಲ್ಲಿ ಸಿಗತ್ತೆ ಅಂತ (ಹಿಂಗೆ ಹೊರಗೆ ಹೋದಾಗೆಲ್ಲ ಏನಾದ್ರು ಒಂದು ಕೇಳ್ತಾನೇ ಇರ್ತಾರೆ ;) 3 ವಾರದ ಹಿಂದೆ ICICI ಬ್ಯಾಂಕ್ ಗೆ ಹೋದಾಗ ಅಲ್ಲಿರೋ ಕನಡದ ಶೆಟ್ರು ಹುಡ್ಗೀನ ಮಾತಾಡ್ಸಿ Indian Beauty parlour ಎಲ್ಲಿದೆ ಅಂತ information ಎತ್ಕೊಂಡ್ ಬಂದಿದ್ರು...)

ಲಾಸ್ಟ್ ಅಪ್ಡೇಟ್:
ಸುಧಿಯ ಹಳೆ ರೂಮ್ ಮೇಟ್ ಒಬ್ರು ಬಂದಿದ್ದಾರೆ ಬೆಂಗಳೂರಿಂದ, ಅವ್ರು ನಮಿಗೆ ಕಾಫಿ ಫಿಲ್ಟರ್ ಮತ್ತೆ ಒಂದು KG ಕಾಫಿ ಪುಡಿ ತಂದಿದರೆ :) ಇನ್ಮೇಲೆ ಮನೇಲೆ ಕಾಫಿ ಮಾಡ್ತಿವಿ, ನೀವು ನಮ್ಮ ಮನೆಗೆ ಬನ್ನಿ ಕಾಫಿ ಕುಡಿಬೇಕು ಅಂತ ಅನ್ಸಿದಾಗೆಲ್ಲ :) ಎನೂ ಒಟ್ನಲ್ಲಿ ನಮಿಗೆ ಇನ್ನೊಬ್ರು ಕನ್ನಡದೋರು ಮಾತಾಡೋಕೆ ಸಿಕ್ಕಹಾಗೆ ಆಯಿತು ಈ ದೇಶದಲ್ಲಿ.

ನಾನು ಕಂಡ ಬಹ್ರೈನ್ 1

2008-09-05T01:12:00.000+05:30

ಬಹ್ರೈನ್.... ಸೌದಿ ಅರೇಬಿಯಾದ ಮರುಭೂಮಿಯ ಪಕ್ಕದಲ್ಲೇ ಇರೋ ಒಂದು ಸಣ್ಣ ದ್ವೀಪ ರಾಷ್ಟ್ರ. ವಿಸ್ತಾರದಲ್ಲಿ ನಮ್ಮ ಬೆಂಗಳೂರಿಗಿಂತ ಸ್ವಲ್ಪ ಸಣ್ಣಕೆ ಇದೆ, ಆದ್ರೆ ಬೆಂಗಳೂರಿನಷ್ಟು ಚನ್ನಾಗಿಲ್ಲ (ಹಂಗಂತ ನಂಗೇನ್ ಇಲ್ಲಿಗೆ ಬಂದಿದ್ದು ಬೇಜಾರಾಗಿಲ್ಲ, ಪಾಪ ನನ್ ಹೆಂಡತಿಗೆ ಬೇಜಾರಾಗಿದೆ ಅಷ್ಟೆ, ಅವಳ ಪ್ರಕಾರ ಇಷ್ಟೇ ದೊಡ್ದದಗಿರೋ ಸಿಂಗಪುರಕ್ಕೆ ಹೋಗ್ಬೇಕಿತ್ತಂತೆ). ಹಂಗೇ ನೋಡ್ತಿದ್ರೆ ನಮ್ಮ ಶಿವಾಜಿ ನಗರ ಇದ್ದಹಾಗೆ ಇದೆ ಈ ದೇಶ :)

ಒಟ್ಟಾರೆ ಈ ದೇಶದಲ್ಲಿ ಸುಮಾರು ೭.೫೦ ಲಕ್ಷ ಜನ ಇದಾರಂತೆ, ಆದ್ರೆ ಅದ್ರಲ್ಲಿ ಅರ್ಧಕ್ಕಿಂತ ಜಾಸ್ತಿ expats ಇದಾರೆ. ಬಹರೈನಿಗಳು ಕೂಡ ಒಳ್ಳೆ ಜನಾನೇ, ಹೆಚ್ಗೆ ತೊಂದರೆ ಕೊಡಲ್ಲಂತೆ. ಭಾರತದ ತರಹನೇ ದೇಶ ಬಹಳ ಶ್ರೀಮಂತ ಅದರೂ ಜನ ಬಡವರೇ. ಕೆಲವೇ ಕೆಲವು ಜನರ ಹತ್ತಿರಾನೆ ಎಲ್ಲ ದುಡ್ಡು ಸೇರ್ಕೊಂಡಿರೋ ತರ ಇದೆ.

ಈ ದೇಶದಲ್ಲಿ ಟ್ಯಾಕ್ಸ್ ಇಲ್ಲದೆ ಇರೋದ್ರಿಂದ ಕೆಲವೊಂದು items ಭಾಳನೆ cheap ಆಗಿ ಸಿಗತ್ತೆ. ವಿಶ್ವದಾದ್ಯಂತ ಮಾಡೋ ಎಲ್ಲಾ ಕಾರುಗಳು ಇಲ್ಲಿ ಭಾಳನೆ ಕಮ್ಮಿ ರೇಟ್ಗೆ ಸಿಗತ್ತೆ. ಅದಕ್ಕೆ ಊರಿನ ತುಂಬಾ ಬರೀ ಕಾರುಗಳೇ ಕಾಣಿಸ್ತಾವೆ.

ಬಡಬಗ್ಗರಿಗೆ, ಬೇರೆ ದೇಶದಿಂದ ಬಂದ ಕೂಲಿ ಕಾರ್ಮಿಕರಿಗೆ ಅಂತಾನೆ ಸರಕಾರ ಬಸ್ ವ್ಯವಸ್ಥೆ ಮಾಡಿದೆ, ಆದ್ರೆ ಅದೇನು ಬಹಳ ಚನ್ನಾಗಿಲ್ಲ. ಕೆಲವೊಂದಿಷ್ಟು ಜಾಗಗಳಿಗೆ ಮಾತ್ರ ಹೋಗುತ್ತವೆ ಅಷ್ಟೆ.

ಬಹರೈನಿನ ಬಡವರ car ಅಂದರೆ Cars, ಬಹರೈನಿನ ಸಾರ್ವಜನಿಕ ಸಾರಿಗೆ. ಪಕ್ಕದಲ್ಲಿರೋದು ದೊಡ್ಡ ಬಸ್, ಇದು ಯಾರನ್ನು ಕಾಯಲ್ಲ, ಸುಮ್ನೆ ಹೋಗ್ತಿರತ್ತೆ ಅಷ್ಟೆ.

ಕೆಳಗೆ ಕೊಟ್ಟಿರೋ ಇನ್ನೊಂದು ಚಿಕ್ಕ ಬಸ್ ಎಲ್ಲರಿಗೋಸ್ಕರ ಕಾಯತ್ತೆ, ಪ್ರಯಾಣಿಕರು ಎಷ್ಟೇ ದೂರದಿಂದ ನಡ್ಕೊಂಡು ಬರ್ತಿದ್ರುನು, ಅವ್ರು ಬಂದು ಬಸ್ ಹತ್ತೊವರೆಗೂ ಕಾಯ್ತಿರತ್ತೆ..

ಹಿಂಗೆ ಒಂದಿಷ್ಟು Updates

2008-09-04T13:31:00.000+05:30

ಬೆಂಗಳೂರಿನಿಂದ ಹರಿ ಹೇಳಿದ್ದು:

ಸಲಾಂ,

ಮತ್ತೆ ಗೌರಿ ಗಣೇಶ ಹಬ್ಬದ ವಾಸನೆಯು ಇಲ್ಲದೆ ನೀನು ಶರೀರವನ್ನು ಕಳೆದು ಕೊಂಡ ಆತ್ಮದಂತೆ ಆಗಿದ್ದೀಯ, ಇರಲಿ... ನಿನಗೆ ಒಂದು ಬಿಸಿ ಸುದ್ದಿ....

ಈ ಬಾರಿ ಬೆಂಗಳೂರಿನಲ್ಲಿ ಕೂಡ ಗಣಪತಿಯನ್ನು ಬೀದಿ ಬೀದೀಲಿ ಇಟ್ಟು traffic jam ಮಾಡಲು ಚಾನ್ಸ್ govt ಕೊಡಲಿಲ್ಲ....ಹಾಗಾಗಿ 20 ವರುಷದಿಂದ ಯಾರು ಸತತವಾಗಿ ಗಣಪನನ್ನು ಇಡುತ್ತಿದ್ದಾರೋ ಆ youth ಕ್ಲಬ್u ಗಳಿಗೆ ಮಾತ್ರ chance ಕೊಟ್ಟಿದ್ದಾರೆ... ಇದು BJP Govt. ಕೊಡುಗೆ...

ಮತ್ತೇ low lying areas ಎಲ್ಲ flood ಆಗಿ ಜನರು ಬೆಂಗಳೂರಿನಲ್ಲಿ boatನಲ್ಲಿ ಪ್ರಯಾಣ ಮಾಡುತ್ತಿದ್ದಾರೆ...

ಸಧ್ಯಕ್ಕೆ ಇಷ್ಟು ಸಾಕು

ಮತ್ತೇ ಸಲಾಂ ಅಲೆಕುಂ ಹರಿ ಚೇತನ್

ನನ್ ಕಡೆ ಇಂದ ಒಂದಿಷ್ಟು updates:

ನನ್ನ ದೋಸ್ತು ಹರಿಚೇತನ್ ಕೊನೆಗೂ ಅಮ್ಫಿ ಮೇಲೆ ಮಾಡುತ್ತಿದ್ದ ಸತತ ದಂಡಯಾತ್ರೆಯನ್ನು ಕೊನೆಗೊಳಿಸಿದ್ದಾನೆ. ಎಲ್ಲರು ಕಣ್ಣರಳಿಸುವಂತೆ ಅಮ್ಫಿ ಯ ಮೇಲೆ ದಿಗ್ವಿಜಯವನ್ನು ಸಾಧಿಸಿ, SBIMFಗೆ ಹೆಮ್ಮೆ ತಂದಿದ್ದಾನೆ. ಅವನಿಗೆ ನಮ್ಮ ಶುಭಾಶಯಗಳು:)

ಮೊನ್ನೆ ನನ್ನ ಇನ್ನೊಬ್ಳು ದೋಸ್ತು ಶ್ವೇತ ಪಂಡಿತ್ ತಮ್ಮ ಹುಟ್ಟು ಹಬ್ಬವನ್ನು ಅಮೆರಿಕದಲ್ಲಿ ಆಚರಿಸಿಕೊಂಡರು, ಅವಳಿಗೂ ನಮ್ಮ ಶುಭಾಶಯಗಳು.

ಸೌದಿಯಿಂದ ಸುಧಿ ಹೇಳಿದ್ದು:

ಅವನು ಕೆಲಸ ಮಾಡೋ ಕಂಪನಿಲಿ expatsಗೆ ಪಾಪದ ಕೋಣೆ (Sin Room) ಕೊಟ್ಟಿದ್ದಾರಂತೆ, ಅದೇನ್ ಪಾಪ ಮಾಡ್ತಾರೋ ಗೊತ್ತಿಲ್ಲ. ಅಲ್ಲಿ ಕೆಲಸ ಮಾಡೋ ಎಲ್ಲ non-muslims ಅದೇ ಪಾಪದ ಕೋಣೆಲಿ ಪಾಪದ ಕೆಲಸಗಳನ್ನ ಮಾಡ್ತಾರಂತೆ ( ಎಂತ ಪಾಪ ಅಂತ ಮಾತ್ರ ಕೇಳಬೇಡಿ).

ಸೆಂಟ್ರಲ್ ಮಾರ್ಕೆಟ್ ಸತ್ಯ ಹೇಳಿದ್ದಿಷ್ಟು:

ನಮ್ಮ ಸತ್ಯ ಕೆಲಸ ಮಾಡೋ ಸೆಂಟ್ರಲ್ ಮಾರ್ಕೆಟಲ್ಲಿ ಇರಾನಿಗಳು ಕೋಕಾಕೋಲನು ಕುಡಿತಾರಂತೆ, ಮದ್ಯಾಹ್ನ ಸಂಬೂಸನು (ಸಮೋಸ) ತಿಂತಾರಂತೆ. ದೇಶದಲ್ಲಿರೋ ಎರಡೇ ಎರಡು ಮದ್ಯದ ಅಂಗಡಿಗಳು ಮುಚ್ಚಿದಾರಂತೆ ಸದ್ಯಕ್ಕೆ, ದೇಶದ ಕುಡುಕರಿಗೆಲ್ಲ ಶಾನೆ ಕಷ್ಟ ಆಗ್ಬಿಟ್ಟಿದೆ.. ಪಾಪ... ಪಾಪ... ಛೆ... ಛೆ... ಕಷ್ಟ....ಕಷ್ಟ...

ರಮದಾನ್ ಮುಬಾರಕ್

2008-09-03T16:45:00.000+05:30

ಸಲಾಂ ಆಲೇಕುಂ, ನಮಸ್ಕಾರ,

ಮೊಟ್ಟ ಮೊದಲನೆ ಬಾರಿಗೆ ನಾನು ಅರಬರ ದೇಶದಲ್ಲಿ ರಮಾದಾನ್ ತಿಂಗಳು ಕಳಿಯುತ್ತಿದ್ದೇನೆ. ಭಾರತದಲ್ಲಿ ಇದ್ದಾಗ ಅಷ್ಟೊಂದು ಗೊತ್ತಾಗ್ತಿರಲಿಲ್ಲ ಇದರ ಬಗ್ಗೆ. ಇಲ್ಲಿಗೆ ಬಂದಮೇಲೆ ಅದರ ಬಗ್ಗೆ ಸ್ವಲ್ಪಸ್ವಲ್ಪವಾಗಿ ಗೊತ್ತಾಗ್ತಿದೆ. ಇಲ್ಲಿನ ಮುಸಲ್ಮಾನರು ಬೆಳಿಗ್ಗೆ 4 ಗಂಟೆ ಇಂದ ಸಂಜೆ 6 ಗಂಟೆ ವರೆಗೂ (ಅಂದರೆ ಸೂರ್ಯೋದಯದಿಂದ ಸೂರ್ಯಸ್ತದವರೆಗೆ) ಉಪವಾಸ ಇರ್ತಾರೆ. ಬೆಳಿಗ್ಗಿನ ಪ್ರಾರ್ಥನೆ ಮುಗಿಸಿ, ಊಟ ಮಾಡಿದರೆ ಮತ್ತೆ ತಿನ್ನೋಕೆ ಅವಕಾಶ ಇರೋದು ಸಂಜೆಯ ಪ್ರಾರ್ಥನೆ ಆದನಂತರವೇ.

ನಮ್ಮ ಕಛೇರಿಯಲ್ಲಿ, ನನ್ನೊಬ್ಬನನ್ನು ಹೊರತುಪಡಿಸಿದರೆ ಬಾಕಿ ಎಲ್ಲರು ಮುಸಲ್ಮಾನರೆ. ಅದಕ್ಕೆ ಇವಾಗ ನಮ್ಮ ಆಫೀಸಲ್ಲಿ ಬೆಳಿಗ್ಗೆ ೯ ಘಂಟೆಗೆ ಕೆಲಸ ಶುರು ಮಾಡುತ್ತಿದ್ದೇವೆ, ಮದ್ಯಾಹ್ನ ೩.೩೦ ಘಂಟೆಗೆ ಮನೆಗೆ ಹೋಗುತ್ತಿದ್ದೇವೆ. ಮೊದಲಿನಹಾಗೆ ಕೇಳಿದಾಗೆಲ್ಲ ಕಾಫಿ ಟೀ ಸಿಗಲ್ಲ. ನನಗೊಬ್ಬನಿಗೆ ನಮ್ಮ ಹುಡುಗ ಬೆಳಿಗ್ಗೆ ಕಾಫಿ ಮತ್ತೆ ನೀರನ್ನ ತಂದುಕೊಡುತ್ತಾನೆ. ಅದನ್ನ ನನ್ನ ಜಾಗದಲ್ಲೇ ಕುಳಿತು ಅಥವಾ ಆಫೀಸಿನ ಅಡುಗೆಮನೆಯಲ್ಲಿ ಕುಳಿತು ಕುಡಿಯೋ ಪರಿಸ್ಥಿತಿ ಬಂದಿದೆ. ಊಟ ಅಥವಾ ತಿಂಡಿ ಬ್ರೇಕ್ ಇರುವುದಿಲ್ಲ. ಅದಕ್ಕಾಗಿ ಬೆಳಿಗ್ಗೆನೆ ಮನೆಯಲ್ಲಿ ಊಟ ಮುಗಿಸಿ ಬರುತ್ತಿದ್ದೇನೆ. ಇಲ್ಲಿನ ಮುಸಲ್ಮಾನರು ಸಂಜೆ ಮನೆಯಲ್ಲಿ ಪ್ರಾರ್ಥನೆ ಮಾಡಿ, ಕರ್ಜೂರದ ಹಣ್ಣು ತಿಂದು ತಮ್ಮ ದಿನದ ಉಪವಾಸವನ್ನು ಕೊನೆಗೊಳಿಸುತ್ತಾರೆ. ನಂತರ ಬೆಲಿಗಿನವರೆಗೂ ಏನು ಬೇಕಾದರು ತಿನ್ನುತ್ತಲೇ ಇರುತ್ತಾರೆ.

ಸಂಜೆ 6.30 ಯಿಂದ 7.30 ವರೆಗೆ ಎಲ್ಲ ಅಂಗಡಿ, ಹೋಟೆಲ್, ಮುಚ್ಚಿರುತ್ತವೆ. ಬಹರೈನಿನ ಎಲ್ಲ ರಸ್ತೆಗಳು ಕಾಲಿ ಇರುತ್ತವೆ. ಏನೋ ಬಂದ್ ಇದೆ ಅನ್ನೋತರ ಕಾಣ್ಸತ್ತೆ ನೋಡಿದ್ರೆ, ಆದ್ರೆ 7.30 ಆದಮೇಲೆ ಮತ್ತೆ ಜನ ರಸ್ತೆಗೆ ಬರ್ತಾರೆ (ನಡ್ಕೊಂಡಲ್ಲ, ಕಾರಲ್ಲಿ). ಪುಣ್ಯಕ್ಕೆ ಇವರೆಲ್ಲ ಉಪವಾಸ ಇರೋದ್ರಿಂದ ವಾತವರಣ ಚನಾಗಿದೆ, ಮಧ್ಯಪಾನ ಧೂಮಪಾನ ನಿಷೇಧಿಸಲಾಗಿದೆ. ಅಕಸ್ಮಾತ್ ಕುಡಿಯೊವಾಗ ಸೇದೊವಾಗ ಸಿಕ್ಕಿಹಾಕಿಕೊಂಡರೆ ಏನ್ಮಾಡ್ತಾರೆ ಅಂತ ಗೊತ್ತಿಲ್ಲ :)

ಬೇಸಿಗೆ ಕಾಲ ಮುಗಿಯುತ್ತ ಬಂದಿದೆ, Humidity ಸ್ವಲ್ಪ ಕಮ್ಮಿ ಆಗಿದೆ ಇವಾಗ. ದೊಡ್ಡೋರು ಹೇಳಿರೋ ಪ್ರಕಾರ ಸಕ್ಕತ್ Humidity ಇದ್ದರೆ ಕರ್ಜೂರ ಹಣ್ಣಾಗತ್ತಂತೆ, ಇಲ್ಲದಿದ್ದರೆ ಹಾಗೆ ಒಣಗತ್ತಂತೆ. ಹಾಗಾಗಿ ಇಲ್ಲಿ Humidityನು ಒಳ್ಳೆದೇನೆ. ಸಕ್ಕತ್ ಚನಾಗಿರೋ ಕರ್ಜೂರದ ಅರೆಹಣ್ಣು, ಮತ್ತು ಕಳಿತ ಹಣ್ಣು ಸಿಗತ್ತೆ ಇವಾಗ

ರಮಾದಾನ್ ತಿಂಗಳ ಪ್ರಯುಕ್ತ ಎಲ್ಲ ಅಂಗಡಿ ಮುಂಗಟ್ಟುಗಳಲ್ಲೂ ಒಳ್ಳೆಯ ರಿಯಾಯಿತಿ ಕೊಡುತ್ತಿದ್ದರೆ, ಆದ್ರೆ ಏನ್ ತೊಗೊಳೊಕೂ ಜನರ ಹತ್ತಿರ ದುಡ್ಡಿಲ್ಲ ಅಷ್ಟೆ. ಭಾರತದಿಂದ ಬರೋ ಎಲ್ಲ ಸಾಮಾನಿನ ಬೆಲೆ ಗಗನ ಮುಟ್ಟಿದೆ

ಈ ದೇಶದಲ್ಲಿ ನಮ್ಮ ಜನ ಗಣಪತಿ ಹಬ್ಬ ಗೌರಿ ಹಬ್ಬ ಮಾಡ್ತಿದಾರೆ. ಇಂಪೋರ್ಟೆಡ್ ಗಣಪ ಸಿಗ್ತಾನೆ, ಅಲಂಕಾರಕ್ಕೆ ಭಾರತದಿಂದನೆ ಹೂವು ಬರುತ್ತೆ ( ಹಬ್ಬಕ್ಕೆ ಮೊದಲ ರೇಟ್: ಒಂದು ಮಾರಿಗೆ ಕೇವಲ ಒಂದು ದಿನಾರ್ ಅಷ್ಟೆ, ನಿನ್ನೆ ಎಷ್ಟಿತ್ತು ಅಂತ ಕೇಳಿಲ್ಲ). ನಮ್ಮ ಮನೆಯಲ್ಲಿ ಈ ವರ್ಷ ಹಬ್ಬ ಇಲ್ಲದ ಪ್ರಯುಕ್ತ ನಾವು ಯಾವುದೇ ಆಚರಣೆ ಮಾಡಲಿಲ್ಲ. ಪಾಪ ನಮ್ಮ ಲಕ್ಷ್ಮಿಗೆ ಇನ್ನೊ ಬೇಜಾರಿದೆ ಅದ್ರ ಬಗ್ಗೆ....

ನೀವೆಲ್ಲ ಹಬ್ಬ ಹೇಗೆ ಮಾಡಿದ್ರಿ ಅಂತ ಪತ್ರ ಬರದು ತಿಳಿಸಿ.

ನಮಸ್ಕಾರ ಮತ್ತೆ ಸಿಗೋಣ

ಆದಿತ್ಯ

ನಮ್ಮನೆ ಹಿತ್ಲಲ್ಲಿ ಬೆಳ್ದಿರೋ ಬ್ರಹ್ಮ ಕಮಲ

2008-07-17T18:08:00.000+05:30

ನಮ್ಮನೆ ಹಿಂದಿನ ಹಿತ್ತಿಲಲ್ಲಿ ಇತ್ತೀಚೆಗೆ ಬೆಳೆದ ಬ್ರಹ್ಮಕಮಲದ ಚಿತ್ರಗಳು. ಪಾಪ ನಮ್ಮಮ್ಮ ಇದನ್ನ ಭಾಳ ಚನಾಗ್ ನೋಡ್ಕೊಳ್ತಿದಾರೆ. ಹೋದವರ್ಷ ಸುಮಾರು ೨೦೦ ಹೂವು ಬಿಟ್ಟಿತ್ತು ಈ ಗಿಡದಲ್ಲಿ. ಈ ವರ್ಷ ಇವಾಗ ಬಿಡೋಕೆ ಶುರು ಮಾಡಿದೆ, ಇನ್ನೆಷ್ಟು ಬಿಡತ್ತೆ ಅಂತ ಗೊತ್ತಿಲ್ಲ, ನೋಡ್ಬೇಕು :)

Walk Away

2008-07-10T18:49:00.000+05:30

Death, departure, walk away, walk out
Should I or should I not pout

Family and friends
Lovers and one-night stands

I have loved, lost and lived
How do I trust, how do I love again

I should move on, it's all in my past
But my pain remains, continues and lasts

This pain lingers in my heart, mind and soul
Damn it - why is this world so cold

How can I have faith in God and family
When people I love are taken from me

Where can I find true and loyal friends
I'm sick of the lies, fights and revenge

Hurt continuously, hurt at a young age
How do I love again with all of my rage

How do I get past all of this, show me a sign
So I can leave my sadness, pain and crying behind

(ಇದು ದೇವರಾಣೆಗೂ ನಾನು ಬರೆದಿದ್ದಲ್ಲ. ನನ್ ದೋಸ್ತು Andy ಕೃಪೆ ಇದು)

ಧೂಳ್ ಮಗ ಧೂಳ್

2008-07-02T12:35:00.000+05:30

ಅಬ್ಬ ಈ ದೇಶದಲ್ಲಿ ವಾರದಲ್ಲಿ ಒಂದ್ಸಲ ಧೂಳು ಸುರಿಯೊಕೆ ಶುರು ಅದ್ರೆ ಮತ್ತೊಂದು ವಾರದವರೆಗು ಸುರಿತಾನೆ ಇರತ್ತೆ. ಇದನ್ನ ಯಾಕೆ Sand Storm ಅಂತ ಹೇಳ್ತಾರೆ ಅಂತ ಗೊತ್ತಿಲ್ಲ ಆದ್ರೆ ಭಯಂಕರ ಧೂಳಂತು ಬರತ್ತೆ, ಗಾಳಿನೇ ಬೀಸಲ್ಲ.

ನನ್ ಮನೆಲಿ ಮೊದ್ಲು AC ಇರ್ಲಿಲ್ಲ. ಅದ್ರೆ ಅದಕ್ಕೆ ಅಂತ 2 ಕಿಂಡಿ ಬಿಟ್ಟಿದ್ರು, ಅದ್ರಿಂದ ಪ್ರತಿದಿನ ಸಿಕ್ಕಾಪಟ್ಟೆ ಧೂಳು ಬರ್ತಿತ್ತು. ಪುಣ್ಯಕ್ಕೆ ಬೇಗನೆ ತೊಗೊಂಡೆ ACನ, ಇಲ್ಲ ಅಂದಿದ್ರೆ ನನ್ಗೆ ಪ್ರತಿ ದಿನ ಮನೆ ಗುಡ್ಸಿ ಗುಡ್ಸಿ ಸುಸ್ತಾಗಿರ್ತಿತ್ತು. ಇವಾಗ್ಲು ಮನೆ ಒಳಗೆ ಧೂಳು ಬರತ್ತೆ, ಆದ್ರೆ ಮೊದಲಿನಷ್ತಲ್ಲ.

ನಮ್ಮ ಕಂಪನಿ ಜನ ಅವ್ರು ಕೊಟ್ಟ ಮಾತನ್ನ ಉಳಿಸಿಕೊಂಡರು. ನನಗೆ ಒಂದಿಷ್ತು ಧನಸಹಾಯ ಮಾಡಿದರು ಕೂಡ. ಅದ್ರಲ್ಲೆ ಎಲ್ಲ ಸಾಮಾನು ಮನೆಗೆ ತೊಗೊಂಡೆ. ಇನ್ನು ಅದನ್ನ ಉಪಯೊಗ ಮಾಡೊಕೆ ನನ್ನ ಹೆಂಡತಿ ಬರ್ಬೆಕು ಅಷ್ಟೆ.

ಒಹ್ ಮರ್ತಿದ್ದೆ, ನಾನು ಇವಾಗ ಮನೆಲೆ ಅಡುಗೆ ಮಾಡ್ಕೊಳ್ತಿದ್ದೆನೆ. ಆ ದರಿದ್ರ ಬ್ರೆಡ್ಡು ಜಾಮು ತಿಂದು ನಾಲಿಗೆ ಮರಗಟ್ಟಿತ್ತು. ಮೊನ್ನೆ ಅಡುಗೆ ಮನೆಗೆ ಎಲ್ಲ ತಂದಾಗ ಮೊದಲನೆಬಾರಿಗೆ ಬಿಸಿಬೇಳೆಬಾತ್ ಮಾಡಿದ್ದೆ. ಅಲ್ಲಿಗೆ ಎಲ್ಲ ಸರಿಹೊಯ್ತು. ಇವಾಗ ಮನೆಲೆ ಉಪ್ಪಿಟ್ಟು, ಅವಲಕ್ಕಿ ಮಾಡ್ಕೊಳ್ತಿದಿನಿ.

ಮನೆಲಿ ಒಂದು ಸಣ್ಣ ದೂರದರ್ಶನ ಇದೆ, ಅದ್ರಲ್ಲಿ ಸದ್ಯಕ್ಕೆ Z film Arabia ಮತ್ತೆ NDTV Arabia ನೋಡ್ತಿದಿನಿ. ಅದೆನೆ ನನ್ನ ಮನೋರಂಜನೆ ಇಲ್ಲಿ. ಇದ್ ಬಿಟ್ರೆ ಕನ್ನಡ ವಾರಪತ್ರಿಕೆಗಳು ಸಿಗುತ್ವೆ. ಅದ್ರೆ ಅಲ್ಲಿಗಿಂತ ಮೂರುಪಟ್ಟು ಜಾಸ್ತಿ ರೇಟ್ ಅಷ್ಟೆ.

ಇಲ್ಲಿ ಕನ್ನಡದೋರ ಹೊಟೆಲ್ ಇವೆ. ಭಾಳ ಚನ್ನಾಗಿ ಅಲ್ದೆ ಇದ್ರು, ಸುಮಾರಿಗೆ ಪರ್ವಾಗಿಲ್ಲ ಅನ್ನೋಷ್ಟ್ರಮಟ್ಟಿಗೆ ಸಸ್ಯಾಹಾರಿ ತಿಂಡಿಗಳು ಸಿಗುತ್ವೆ.

2008-06-03T17:40:00.000+05:30

ಅಂತೂ ಇಂತೂ ಸಿಕ್ಕಾಪಟ್ಟೆ ಗುದ್ದಾಡಿ ಬಹರೇನ್ ತಲ್ಪಿದೆ. ತಣ್ಣಗಿರೋ ಬೆಂಗಳೂರಿಂದ ಇಲ್ಲಿ ಬಂದ್ರೆ ಈ ದೇಶ ಬಿಸಿ ಬಾಣಲೆ ತರ ಇತ್ತು. ನಮ್ಮ ಕಂಪನೀ ಬುಕ್ ಮಾಡಿದ ಹೊಟೆಲ್ಗೆ ಹೋದಾಗ ಸ್ವಲ್ಪ ತಣ್ಣನೆಯ ಅನುಭವ ಆಯಿತು. ನಾನು ಹೋಗಿದ್ದು ಶುಕ್ರವಾರವಾದ್ದರಿಂದ ಆ ದಿನ ಎಲ್ಲಾಕಡೆ ಸ್ವಲ್ಪ ರಶ್ ಇತ್ತು.

ಊಟ ಮಾಡದೇ ಹಾಗೆ ಕುಳಿತಿದ್ದಾಗ ನಿದ್ದೆ ಬಂದಿದ್ದು ಗೊತ್ತಾಗ್ಲೇ ಇಲ್ಲ. ನಮ್ಮ ಕಂಪನಿಯ ಮ್ಯಾನೇಜರ್ ಒಬ್ಬ ನನಗಾಗಿ ಬಹಳ ಹೊತ್ತು ಕಾಡು ಕುಳಿತಿದ್ದು, ನಾನು ಸಿಗದೆ, ಮ ಒಂದು ಸಿಮ್ ಕಾರ್ಡ್ ಬಿಟ್ಟು ಹೋಗಿದ್ದ. ಆ ನಂತರ ಫೋನ್ ಮಾಡಿದಾಗ ಮತ್ತೆ ಬಂದು ಒಂದಿಷ್ಟು ದುಡ್ಡನ್ನು ಕೊಟ್ಟ ಸದ್ಯದ ಕರ್ಚಿಗೆ ಎಂದು.

ಶನಿವಾರ ಪೂರ್ತಿ ರೆಸ್ಟ್ ತೊಗೊಂಡು ಭಾನುವಾರ ಬೆಳಿಗ್ಗೆ ನಮ್ಮ ಆಫೀಸ್ ಹೋದೆ. ಸ್ವಲ್ಪ ಸಣ್ಣ ಕಂಪನಿ ಅದ್ರುನು ಭಾಳ ದೊಡ್ಡ ಜಾಗದಲ್ಲಿ ಆಫೀಸ್ ಮಾಡಿದ್ದಾರೆ. ಭಾನುವಾರದಿಂದ ಗುರುವಾರ ಆಫೀಸ್ ಅಷ್ಟೇ, ಶುಕ್ರವಾರ ನಮಜೂ, ಆದಾದ್ಮೆಲೆ ಬಾರು ಅಷ್ಟೇ ಇಲ್ಲಿ ಜನ ಮಾಡೋದು. :)

ಕುತ್ಕೊಳೊಕೆ ಒಂದು ದೊಡ್ಡ ಕ್ಯಾಬಿನ್ ಕೊಟ್ಟಿದ್ದಾರೆ, ಕೂತಲ್ಲಿಂದನೆ ಹೊರಗೆ ನೋಡಿದ್ರೆ ಬರೀ ಸ್ಯಾಂಡ್ ಮತ್ತೆ ಸೀ ಕಾನ್ಸತ್ತೆ ಅಷ್ಟೇ. ಟ್ರೀ ಅಂದ್ರೆ ಪಾಮ್ ಟ್ರೀ ಅಷ್ಟೇ ಇರೋದು ಇಲ್ಲಿ, ಅದ್ಬೀಟ್ರೆ ಬರೀ ಹೊಸ ಹೊಸ ಬಿಲ್ಡಿಂಗ್ಸ್.

ನಮ್ಮ ಆಫೀಸ್ ಜನದಲ್ಲಿ ಅರ್ಧದಷ್ಟ್ ಮಂದಿಗೆ ಇಂಗ್ಲೀಶ್ ಬರಲ್ಲ, ಅಕಸ್ಮಾತ್ ಬಂದ್ರೆ ನಮ್ಮ ಮಂಜ ಮಾತಾಡ್ತನಲ ಅಷ್ಟೇ ಚನಾಗಿ ಮಾತಾಡ್ತಾರೆ :) ನಮ್ಮ ಆಫೀಸ್ ಹತ್ರಾನೇ ದೊಡ್ಡ ದೊಡ್ಡ ಮಾಲ್ ಇವೆ. ಆದ್ರೆ ಹೋಗಿ ಬರೋದು ಕಷ್ಟ ಅಷ್ಟೇ.

ಇಡೀ ದೇಶನ ಅರ್ಧ ದಿನದಲ್ಲೇ ಸುತ್ತಿ ಮುಗ್ಸ್ಬೊದು, ಆದ್ರೆ ಕಾರ್ ಬೇಕು ಅಷ್ಟೇ. ;) ಇಲ್ಲಿ ಭಯಾನಕ, ಸಿಕ್ಕಾಪಟ್ಟೆ ಬಿಸ್ಲು, ಮುಂದಿನ ತಿಂಗ್ಲಿಂದ ಬೇಸಿಗೆ ಶುರು ಅಂತೆ, ಇವಾಗೇ ಬೆಳಿಗ್ಗೆ 7 ಗಂಟೆಗೆ ಸೂರ್ಯ ನೆತ್ತಿ ಮೇಲೆ ಬಂದಿರ್ತಾನೆ, ಇನ್ನು ಮುಂದೆ ಎನ್ ಕಥೆನೋ ಏನೋ? :(

ಈ ದೇಶದಲ್ಲಿ ಊಟ ತಿಂಡಿ ಮಾತ್ರ ಮರ್ತ್ರೆ ಭಾಳ ಒಳ್ಳೇದು. ಎಷ್ಟ್ ಬೇಕಾದ್ರೂ ಬ್ರೆಡ್ ಮತ್ತೆ ತರಹೇವಾರಿ ಜಾಮ್ ಸಿಗತ್ತೆ, ಅಷ್ಟೇ ತರದ್ದು ಫ್ರೂಟ್ಸ್ ಸಿಗತ್ತೆ. ಅನ್ನ ಕಾಣದೇ ಭಾಳನೆ ದಿನ ಆದಂಗೆ ಅನ್ಸಿತ್ತು ನಂಗೆ. ಇಲ್ಲೆಲ್ಲೋ ಸಿಗತ್ತನ್ತೆ ಎಲ್ಲಿ ಅಂತ ಹುಡೂಕ್ಕೊಳ್ಬೇಕು, ಊರಿನ್ ತುಂಬಾ ಮಲಯಾಳೀಗಳಿದಾರೆ, ಮತ್ತೆ ಆವ್ರೇ ಊರಿಡೀ ಅಂಗಡಿ ಇಟ್ಟಿದಾರೆ, ಮುನ್ಡೆವು ಎಲ್ ಹೋದ್ರೂ ಸಿಗುತ್ವೇ.

ನಂಗೆ ಓಬ್ಬೀ ಒಬ್ಬ ಕನ್ನಡ ಮಾತಾಡೋನು ಸಿಕ್ಕಿದನೆ, ಅವ್ನಿಗು ನೆಟ್ಟಗೆ ಬರಲ್ಲ ಕನ್ನಡ ಮಾತಾಡೋಕೆ (ಪಾಪ ಮುಂಬೈ ಒಳಗೆ ಓದಿದ್ದಂತೆ, ಅದ್ಕೆ ಇರ್ಬೇಕು) ಏನೋ ಒಟ್ನಲ್ ಒಂದು ಕನ್ನಡ ಅಂತ ಮಾತಾಡ್ತನೇ ಅಷ್ಟೇ. ಕನ್ನಡಾದೋರ ಹೊಟೆಲ್ ಕೂಡ ಇದ್ಯಂತೆ, ಆದ್ರೆ ಅದೆಲ್ಲಿ ಅಂತ ಆ ಪುಣ್ಯಾತ್ಮಂಗೂ ಗೊತ್ತಿಲ್ಲ.

ನಾನು ಇವಾಗ ಸಧ್ಯ ಒಂದು ಸರ್ವಿಸ್ ಆಪಾರ್ಟ್‌ಮೆಂಟಲ್ ಉಲ್ಕೊಂಡಿದಿನಿ. ಮನೆ ಹುಡೂಕ್ಕೊಳ್ಬೇಕಂತೆ. ಇಲ್ಲಿ ಸಿಕ್ಕಪಟ್ಟೆ ಜಾಸ್ತಿ ಹೇಳತಾರೆ ರೆಂಟ್. ಏನೋ ನಂ ಅದೃಷ್ಟಕ್ಕೆ ನಂ ಕಂಪನ್ಯೋರೇನೇ ಒಂದಿಷ್ಟು ದುಡ್ಡ್ ಕೊಡ್ತಾರಂತೆ ಮನೆಗೆ ಅಂತ. ಕಾರ್ ಕೂಡ ತೊಗೋಳ್ಳೆಬೇಕಂತೆ, ಇಲ್ಲಾಂದ್ರೆ ಆಲ್‌ಮೋಸ್ಟ್ ಅರ್ಧಸಂಬಳ ಟ್ಯಾಕ್ಸಿಗೆ ಕರ್ಚಾಗತ್ತೆ.

ಇವಾಗ ಸಧ್ಯಕ್ಕೆ ನಂಗೊಬ್ಬ ಮಹಾನ್ಸೋಂಬೇರಿ ಬಹರೈನಿ ಡ್ರೈವರ್ನ ಕೊಟ್ಟಿದರೆ, ಅವ್ನು ಆಫೀಸ್ಗೆ ಕರ್ಕೊಂಡ್ಬರ್ತೀನಿ ಅಂತ ಕೇವಲ ಒಂದ್ ಗಂಟೆ ಲೇಟ್ ಮಾಡಿ 9.30ಗೆ ಕರ್ಕೊಂಡು ಬರ್ತಾನೆ. ದಾರಿಪೂರ್ತಿ ಅದೇನೋ ಕಥೆ ಹೇಳ್ತಾನೇ ನಂಗಂತೂ, ಇವತ್ತಿನ್ ವರೆಗೂ ಅರ್ಥ ಆಗಿಲ್ಲ. ಓ... ಮರ್ತಿದ್ದೆ ಈ ಪುಣ್ಯಾತ್ಮನೆ ನನ್ನ ಏರ್‌ಪೋರ್ಟಲ್ಲಿ ರಿಸೀವ್ ಮಾಡ್ಕೊಂದಿದ್ದು. ಅಲ್ಲಿ ಅವ್ನನ್ನ ಹುಡುಕೋಕೆ ಕೇವಲ ಒಂದ್ ಗಂಟೆ ಬೇಕಾಗಿತ್ತು, ಅಕಸ್ಮಾತ್ ಇನ್ನೊಂದ್ ಹತ್ ನಿಮಿಷಕ್ಕೆ ಸಿಗದೆ ಹೋಗಿದ್ದಿದ್ರೆ ನಾನ್ ನೆಕ್ಸ್ಟ್ ಫ್ಲೈಟ್ಗೆ ವಾಪಸ್ಬರ್ಬೇಕಾಗಿತ್ತು.

ಈ ಊರಲ್ಲಿ ಅರ್ಧ ಗಂಟೆಗಿಂತ ಜಾಸ್ತಿ ಜರ್ನೀ ಮಾಡಿದ್ರೆ ದೇಶ ಮುಗ್ಧೋಗತ್ತೆ ಇಲ್ಲಾಂದ್ರೆ ಪಕ್ಕದ್ದೇಶದಲ್ಲಿ ಇರ್ತಿವಿ ಅಷ್ಟೇ :) ಜಯನಗರ್ ಅತ್ವ ಸಾರಕ್ಕಿ ಅಷ್ಟೂ ಇಲ್ದೇ ಇರೋ ಜಾಗಗಳು ಎಲ್ಲ ಒಂದೊಂದು ಊರಂತೆ. ಒಂದು ರೋಡ್ ಜಾಸ್ತಿ ಹೋದ್ರೆ ಬೇರೆ ಊರಲ್ಲಿರ್ತಿವಿ.

ಸುಧಿ ಫ್ರೆಂಡ್ ಒಬ್ಬ ಈ ಗುರುವಾರ ವೀಕೆಂಡ್ ಮಾಡಸ್ತೀನಿ ಅಂದಿದನೆ ನೋಡ್ಬೇಕು, ವೀಕೆಂಡ್ ಮಾಡಿಸ್ತಾನೇ ಅಂತ :)

ಸಧ್ಯಕ್ಕೆ ಇಷ್ಟ್ ಸಾಕು
ಮತ್ತೆ ಸಿಗಣ :)

Completely happy and content with being alone?

2007-02-13T13:41:00.000+05:30

Hi everyone,

It's that time of the year again - "Valentines Day". It's a time when all those in relationships have an excuse to pamper their loved one, whilst us singles are 'alone.'

I know sooo many people who thrive on being in relationships to the point where it's the ONLY way to achieve 'happiness.' They continually rely on other people to make them happy. They cannot be complete without that special someone in their life, regardless of whether or not that person really is worth it. And when they're single, they're always depressed and searching for their 'one true love.' Pfft...

I am, on the other hand, completely content with being SINGLE! I absolutely love it. I love the thrill of being able to go out every weekend and meet new guys, without wanting a relationship or anything serious to come of it. I've been single since 1980 and it's been the funnest time of my life since then. I always choose a casual fling over a serious relationship. Mainly because I am too picky when it comes to having a girlfriend - I don't want to waste my time with anyone who isn't worth it.

Is there anyone that feels the same way as I do, and realise that there's more to life than having a bf/gf?

ನೀಚಡಿಯ ದೀಪಾವಳಿ ಹಬ್ಬ

2006-10-19T14:20:00.000+05:30

ಅದೇನೊ ಗೊತ್ತಿಲ್ಲ, ಈ ದೀಪಾವಳಿ ಹಬ್ಬ ಬಂದರೆ ಸಾಕು ನಮ್ಮೂರಿನ ಜನ ಸಕ್ಕತ್ ಚುರುಕಾಗಿಬಿಡ್ತಾರೆ. ಹಬ್ಬ ಇರೋದು 3 ದಿನ ಮಾತ್ರ ಆದರೂನು, ಜನ 15 ದಿನ ಮುಂಚೆನೆ ಹಬ್ಬದ ಕೆಲಸ ಶುರು ಮಾಡಿರ್ತಾರೆ. ಎತ್ತಿನ ಗಾಡಿ, ನೊಗ, ನೇಗಿಲು, ಗುದ್ದಲಿ, ಇತ್ಯಾದಿ ಕೃಷಿ ಉಪಕರಣಗಳನ್ನ ತೊಳೆದು, ಪೇಯಿಂಟ್ ಮಾಡಿ, ಎಣ್ಣೆ ಹಚ್ಚಿ, ಪೂಜೆ ಮಾಡೋಕೆ ಇಡೋದನ್ನ ನೋಡೋಕೆ ಬಹಳ ಚನಾಗಿರತ್ತೆ.

ನಮ್ಮನೇಲಿ ಇದ್ದಿದ್ ಎಲ್ಲ ರೈತೊಪಕರನಗಳನ್ನ ತೊಳಸಿ ಇಡ್ತಿದ್ರು, ಅದ್ರ ಜೊತೆ ಹಳೆ ಬಂಡಿ ಗಾಲಿ (ಅದೂ ನಮ್ಮಜ್ಜ ಸಣ್ಣಕಿದ್ದಾಗ ಮನೇಲಿ ಇದ್ದಿದ್ ಗಾಡಿದು, ಉಳ್ಕೊಂಡಿರೋ ಏಕಮಾತ್ರ componetu) ಜೋಡಿಸಿ ಪೂಜೆಗೆ ಇಟ್ರು ಅಂದ್ರೆ ಅರ್ಧ ಕೆಲಸ ಮುಗಿದ ಹಾಗೇನೆ. ಆದ್ರೆ ಇವಾಗ ಎತ್ತಿನ ಗಾಡಿನ, ಎತ್ತಿನ ಜೊತೇನೆ ಮಾರಿಬಿಟ್ಟಿದ್ದಾರೆ, ಹಂಗಾಗಿ ಹಳೇ scene ಇರಲ್ಲ :((

ಹಂಗಂತಾ ನಮ್ಮ ಕಡೇ ನರಕ ಚತುರ್ದಶಿಗೆ ಹೆಚ್ಚಿಗೆ ಪ್ರಾಮುಖ್ಯತೆ ಇಲ್ಲ. ಅವತ್ತಿನ ದಿನ ಬರೀ ಎಣ್ಣೆ ಹಚ್ಹ್ಸ್ಕೊಂದು, ತಲೆಗೆ ನೀರು ಹಾಕಿಸಿಕೊಂಡರೆ ನಮ್ಮಜ್ಜಿ ನಮ್ಮನ್ನೆಲ್ಲ ಕೂರ್ಸಿ ಆರತಿ ಮಾಡ್ತಿದ್ರು (ಅದ್ರ ಜೊತೆ ನಮ್ಮಜ್ಜ 5 ರುಪಾಯಿ ಕೊಡ್ತಿದ್ರು ನಮಿಗೆಲ್ಲ). ನಮ್ಮ ಹಬ್ಬ ಅಷ್ಟಕ್ಕೆ ಮುಗೀತು.

ದೀಪಾವಳಿ ಅಮಾವಾಸ್ಯೆ ದಿನ ಬೆಳಿಗ್ಗೆ ಎದ್ದು, ತೋಟಕ್ ಹೋಗಿ, ಹಿಂಗಾರ, ಹಣ್ಣು ಅಡಿಕೆ, ಮತ್ತೆ ಅದೆನೆನೇನೋ ಸೊಪ್ಪು ಸೆದೆ ಎಲ್ಲ ಕೊಯ್ಸ್ಕೊಂದು ಬರ್ತಿದ್ವಿ. ಆಮೇಲೆ ಅದನ್ನೆಲ್ಲಾ ಸೇರ್ಸಿ ದೊಡ್ಡ ದೊಡ್ಡ ಹಾರಗಳನ್ನೆಲ್ಲ ಮಾಡ್ತಿದ್ವಿ. ಮಧ್ಯಾಹ್ನಕ್ಕೆ ಶುರು ಆಗ್ತಿತ್ತು ನೋಡಿ ನಿಜವಾದ ತಲೆ ಬಿಸಿ ಕೆಲಸ, ಕಾಲ್ಪೂಜೆ ಸಾಮಾನು ಇಸ್ಕೊಳೋಕೆ ಬರೋ ಜನರನ್ನ ಸಂಭಾಳ್ಸೋಷ್ಟ್ರಲ್ಲಿ ನಮಿಗೆಲ್ಲ ಸುಸ್ತಾಗ್ಬಿಡ್ತಿತ್ತು. ಅವರನ್ನೆಲ್ಲ ಕಳ್ಸಿದ ಮೇಲೆ, ಮತ್ತೆ ಹಿತ್ಲಲ್ಲಿ ಇದ್ದಿದ್ದ ಎಲ್ಲ ಚೆಂಡೂವನ್ನು ಕಿತ್ಕೊಂಡ್ ಬಂದು ಮತ್ತೆ ಹಾರಗಳನ್ನ ಮಾಡ್ಬೇಕಿತ್ತು ( ಅದೂ ಬೇರೆ ಬೇರೆ ಅಳತೆಗೆ. ಹುಹ್).

ಈ ಜನರನ್ನೆಲ್ಲ ಕಳ್ಸಾದ್ಮೇಲೆ, ಕೆಲ್ಸದೊನು ಒಂದು ದೊಡ್ಡ ಹೊರೆ ಮಾವಿನ ಸಪ್ಪನ್ನ ತಂದು ಹಾಕೋನು. ನಮ್ಮನೆಲ್ಲೋ ಮೊದ್ಲೇ 108 ಕಡೇ ಪೂಜೆ ಮಾಡ್ದಿಸಬೇಕು, ಎಲ್ಲ ಕಡೆಗೂ ಒಂದು ಮಾವಿನ ತೋರಣ ready ಮಾಡಿಕೊಳ್ಳಬೇಕಿತ್ತು. ಆಮೇಲೆ ಎಲ್ಲ ಪೂಜೆಗೂ ತೆಂಗಿನ ಕಾಯಿನ ಸುಲಿದು ready ಮಾಡಿ ಇತರೆ ಅವತ್ತಿನ ಕೆಲಸ ಮುಗೀತು.

ಗೊಪಾಡ್ಯದ ದಿನ ಬೆಳಿಗ್ಗೆ 5 ಗಂತೆಗೆನೆಯೇ ನಮ್ಮಪ್ಪ ಬೆನ್ನ ಮೇಲೆ ಪೆಟ್ಟು ಕೊಟ್ಟು ಎಬ್ಸ್ತಿದ್ರು, (ಎದ್ದೇಳ್ರೋ ಮಕ್ಳ ಹಬ್ಬದ ದಿನಾನು ಅದೆಷ್ಟ್ ಹೊತ್ತು ನಿದ್ದೆ ಮಾಡ್ತಿರ ಅಂತ ಸೆಪರೇಟ್ ಆಗಿ ಹೇಳ್ತಿದ್ರು ಕೂಡ). ಆಮೇಲೆ ಅಮ್ಮ ಮಡ್ಕೊಡ್ತಿದ್ದ ಕಾಫಿ ಕುಡ್ದು ಕೊಟ್ಟಿಗೆ ಕಡೇ ಓಡ್ತಿದ್ವಿ.

ಮನೇಲಿರೋ ಎಲ್ಲ ಆಕಳು ಅಂಡ್ ಅದ್ರ ಫ್ಯಾಮಿಲಿ, ಎಮ್ಮೆ, ಎತ್ತುಗಳು ಎಲ್ಲದನ್ನು ಒಂದೊಂದಾಗೆ ಹೊರಗೆ ತೊಗೊಂಡುಹೊಗಿ ಮನೆ ಎದ್ರುಗೆ ಇರೋ ಕಂಭಕ್ಕೆ ಕಟ್ಟಿದರೆ ನಮ್ಮಪ್ಪ ಮತ್ತೆ ನಮ್ಮನೆ ಕೆಲ್ಸದೊನು ಅವುಕ್ಕೆ ಬಿಸಿ ನೀರಿನ ಅಭ್ಯಂಜನ ಮಾಡ್ಸ್ತಿದ್ರು. ನಾವು ಬರೀ ಬಿಸಿ ನೀರನ್ನ, ಅಲ್ಲೆಲ್ಲ್ಲೂ ನಮ್ಮನೆ ಹಿಂದ್ಗಡೆ ಇರೋ ಹಂಡೆ ಇಂದ ಹೊತ್ಕೊಂಡು ಬಂದು, ರಸ್ತೆ ಪಕ್ಕ ಇಟ್ಟಿರೋ ಬಾನಿಗೆ ಸುರ್ಯೋಶ್ಟ್ರಲ್ಲಿ ಈ ಹಬ್ಬ ಮನುಷ್ಯರಿಗಲ್ಲ ಅಂತ ಅನಸ್ತಿತ್ತು. ಅದೂ ನಿಜಾನೆ ಹಂಗಂತ ನಮ್ಮ ಕಡೇ ದೀಪಾವಳಿ ಮನುಷ್ಯರಿಗಲ್ಲ, ಬರೀ ಮನೇಲಿರೋ ಜಾನುವಾರುಗಳಿಗೆ ಮಾತ್ರ ಅವತ್ತು ಹಬ್ಬ.

ಅದರೆ ಅವುಗಳ ಸ್ನಾನ ಮುಗ್ದು, ಒಣಗಿದಮೇಲೆ, ಮತ್ತೆ ನಮ್ಮ ಕೆಲಸ ಶುರು. ಜೇಡಿ ಕೆಮ್ಮಣ್ಣು ತಂದು ಪುಡಿ ಮಾಡಿ ನೀರಿನ ಜೊತೆ ಕಲಸಿ ಎಲ್ಲ ಜಾನುವಾರಿನ ಮೈ ಮೇಲೆ, ಗೋವಿನ ಪಾದ ಹಾಕೋ ಕೆಲಸ ಸಕ್ಕತ್ ಖುಷಿ ಕೊಡ್ತಿತ್ತು. ಅದ್ರ ಜೊತೆ ನಮಿಗೆಲ್ಲ ಯಾವ ಆಕಳು ಕರು ಇಷ್ಟನೋ ಅದನ್ನ ಸಿಂಗಾರ ಮಾಡೋ ಜವಾಬ್ದಾರಿನು ನಮ್ಮದೇ ಆಗಿರ್ತಿದ್ರಿಂದ ನಮಿಗೆಲ್ಲ ಸ್ವಲ್ಪ ಕೆಲಸ ಖುಷಿ ಎರಡೂ ಸ್ವಲ್ಪ ಜಾಸ್ತಿನೆ ಆಗ್ತಿತ್ತು.

ಹಿಂದಿನ ದಿನ ಕಟ್ಟಿದ ಚೆಂಡೂವಿನ ಹಾರನ ಎಲ್ಲ ಜಾನುವಾರುಗಳಿಗೂ ಕಟ್ಟಿ, ready ಮಾಡಿದಮೇಲೆ, ನಮ್ಮಜ್ಜ ಗೋಪಾಲರಾಯರು ಮನೆ ದೇವ್ರು ಪೂಜೆ ಮುಗ್ಸಿ, ಹೊರಗೆ ಬರ್ತಿದ್ರು, ಆಮೇಲೆ ಮನೆಯ main ಗೋವು ಮತ್ತೆ ಅದ್ರ ಕರು ಎರಡನ್ನೂ ಸಿಂಗಾರ ಮಾಡಿ ಮನೆ ಅಂಗಳದಲ್ಲಿ ಇರೋ ಅಡಿಕೆ ಚಪ್ಪರದ ಕಂಭಕ್ಕೆ ಕಟ್ಟಿರ್ತಿದ್ವಿ. ನಮ್ಮಜ್ಜ ಪೂಜೆ ಮಾಡ್ತಿದ್ರು, ನಮ್ಮಜ್ಜಿ ಅದೇನೊ ರೊಟ್ಟಿ ಮಾಡ್ತಿದ್ರು, ಎಲ್ಲ ಜಾನುವಾರುಗಳಿಗೂ ಕೊಡೋಕೆ ಅಂತ ( ಹಂಗಂತ ಅದನ್ನ ನಾವು ತಿನ್ನೋ ಹಾಗಿರಲಿಲ್ಲ, ಒಂದ್ಸಲ ತಿಂದಿದ್ದೆ, ರುಚಿನು ಇರ್ಲಿಲ್ಲ). ಅದನ್ನ ತೊಗೊಂಡು ಹೋಗಿ ಎಲ್ಲ ಕಾಲ್ನಡೆಗು ತಿನ್ನಿಸಬೇಕಿತ್ತು. ಅಷ್ಟ್ ಮಾಡೋಷ್ಟ್ರಲ್ಲಿ, ಊರಿನ ಜನ ರಾಹು ಕಾಲ ನೋಡ್ಕೊಂಡು, ಅವರ ಅವರ ಮನೆ ಜಾನುವಾರನ್ನ ಹೊರಗೆ ಬಿಡೋಕೆ ಶುರು ಮಾಡ್ತಿದ್ರು, ನಮ್ಮನೆದುನ್ನು ಹಂಗೆ ಹೊರಗೆ ಬಿಡ್ತಿದ್ವಿ. ನಾವೆಲ್ಲ ಹಂಗೆ ಜಾನುವಾರುಗಳ ಹಿಂದೆ ಜಾಗಟೆ ಹೊಡೀತ ರಸ್ತೆ ಮೇಲೆ ಹೋಗ್ತಿರೋ ಎಲ್ಲ ಆಕಳನ್ನು ಕಂಗಾಲ ಮಾಡ್ತಿದ್ವಿ. ಹಂಗಂತ ನಮ್ಮೂರಲ್ಲಿ ಪಟಾಕಿ ಹೊಡಿಯಲ್ಲ ದೀಪಾವಳಿ ಹಬ್ಬದಲ್ಲಿ ( time ಕೂಡ ಇರಲ್ಲ ಹೊಡಿಯೋಕೆ).

ಜಾನುವಾರುಗಳನ್ನೆಲ್ಲಾ ಬ್ಯಾಣಕ್ಕೆ ಕಳ್ಸಿದ್ಮೇಲೆ ಮನೆಗ್ ಬಂದು, ತಿಂಡಿ ತಿಂದು, ದೇವಸ್ಥಾನಕ್ಕೆ ಹೋಗ್ತಿದ್ವಿ. ಅಲ್ಲಿಗೆ ಇಡೀ ಊರಿನ ಜನ ಎಲ್ಲ ಬರೋರು. ನಮ್ಮನೇಲಿ ಬಹಳ ಕಡೆ ಪೂಜೆ ಮಾಡ್ತಿದ್ರಿಂದ ಒಬ್ಬೋಬ್ರುನ್ನು ಒಂದೊಂದ್ ಕಡೆ ಕಳ್ಸ್ತಿದ್ರು, ಒಬ್ರು ಗದ್ದೆಗೆ ಹೋಗಿ ಪೂಜೆ ಮಾಡಿ, ಹೊಸ ಬತ್ತದ ತೆನೆ ತಂದರೆ ಮತ್ತೊಬ್ರು ಚೌಡಮ್ಮ, ಭೂತಪ್ಪ, ನಾಗಪ್ಪ, ಹಿಂಗೆ ಎಲ್ಲ ದೇವ ಭೂತ ಗಣಗಳಿಗು ಪೂಜೆ ಮಾಡಿ ಬರ್ತಿದ್ರು.

ದೇವಸ್ಥಾನಕ್ಕೆ ಹೋದಮೇಲೆ 2 ತೆಂಗಿನ ಕಾಯಿ ಕೊಡ್ಬೇಕು ಪ್ರತಿ ಮನೆ ಇಂದನು ಊರಿನ ಗಡಿ ಭೂತದ ಪೂಜೆಗೆ ಅಂತ. (2 ಯಾಕೆ ಅಂದ್ರೆ ನೀಚಡಿಲಿ ಮೇಲಿನ ಭೂತ ಕೆಳಗಿನ ಭೂತ ಅಂತ 2 ಊರಿನ ಕಾವಲುಗಾರ ಭೂತಗಳು ಇವೆ, ಇವ್ರ ಜೊತೆಗೆ ಬ್ರಹ್ಮ ಮತ್ತೆ ಇನ್ನೊಂದು ಚೌಡಮ್ಮ ಇವರಿಗೂ ಪೂಜೆ ಮಾಡ್ಕೊಂಡು ಬರಬೇಕು). ಆ ವರ್ಷ ಯಾರ ಮನೆಗಳ ಬಾರಿನೋ ಅವ್ರು ತೆಂಗಿನ ಕಾಯಿ ಬುಟ್ಟಿ ಹೊತ್ಕೊಂಡು ಹೋಗಿ ಭೂತದ ಪೂಜೆ ಮಾಡ್ಕೊಂಡ್ ಬರ್ತಿದ್ರು. (ನಾನು ಎರಡೇ ಎರಡ್ ಸಲ ಹೋಗಿದ್ದೆ, ಅದ್ರ ಕಷ್ಟ ಮಾತ್ರ ಹೇಳ್ಕೊಲೋಕೆ ಆಗಲ್ಲ).

ದೇವಸ್ಥನದಿಂದ ಬಂದಮೇಲೆ, ಸಕ್ಕತ್ತಾಗಿ ಹಬ್ಬದ ಊಟ ಮಾಡ್ಬಿಟ್ರೆ ಮನಸ್ಸಿಗೆ ಸಕ್ಕತ್ ಸಮಾಧಾನ ಆಗ್ತಿತ್ತು. ಊಟ ಮಾಡ್ಕೊಂಡು ಬರೋಷ್ಟರಲ್ಲಿ, ಭೂತದ ಪೂಜೆಗೆ ಹೋದೋರು ವಾಪಾಸ್ ಬರ್ತಿದ್ರು, ಅವರ ಮನೆಗೆ ಹೋಗಿ ಪ್ರಸಾದ ಇಸ್ಕೊಂಡು ಬಂದ್ರೆ ಹಬ್ಬದ main programme ಮುಗೀತು. ಆಮೇಲೆ ಸಂಜೆವರೆಗೂ full ರೆಸ್ಟು.

ಸಂಜೆ ಕೆಲ್ಸದೊನು ಜನುವಾರುಗಳನ್ನ ಮನೆಗೆ ಹೊಡ್ಕೊಂಡು ಬರ್ತಿದ್ದಹಾಗೆನೆ, ನಮ್ಮಜ್ಜಿ ಅವುಕ್ಕೆಲ್ಲ ಆರತಿ ಮಾಡಿ, ಕೊಟ್ಟಿಗೆ ಒಳಗೆ ಬಿಡ್ತಿದ್ರು. ಆಮೇಲೆ ಕೆಲ್ಸದೊನು ಪುಂಡಿ ಕೋಲಿನ ದೊಂದಿ ಮಾಡ್ಕೊಂಡು ಬರ್ತಿದ್ದ. ನಮ್ಮಜ್ಜ ಅದೆಲ್ಲ ಸರಿಯಾಗಿದಿಯೋ ಇಲ್ವೋ ಅಂತ ನೋಡಿ, ಮತ್ತೆ ಸಂಜೆ ಪೂಜೆಗೆ ರೆಡಿ ಆಗ್ತಿದ್ರು.

ರಾತ್ರಿ ಬಲಿ ಚಕ್ರವರ್ತಿನ ಪಾತಾಳ ಲೋಕಕ್ಕೆ ವಾಪಾಸು ಕಳಸೋ ಪೂಜೆ. ಅದನ್ನ ಮಾಡಿದಮೇಲೆ, ನಮಿಗೆಲ್ಲ, ದೊಂದಿ ಹಚ್ಕೊಡ್ತಿದ್ರು , ನಾವು ಅದನ್ನ ಹಿಡ್ಕೊಂಡು, ಪೂಜೆಗೆ ಇಟ್ಟಿದ್ದ ಕಳಶದ ಸುತ್ಲೂ 3 ಸಲ ದೀಪ್ ದೀಪ್ ಹೋಳಿಗ್ಯೋ ಹಬ್ಬಕ್ಕೆ 16 ಹೋಳಿಗ್ಯೋ ಅಂತ ಜೋರಾಗಿ ಹೇಳ್ತಾ ಸುತ್ತುತಿದ್ವಿ. ಆಮೇಲೆ ಆ ದೊಂದಿನ ರಸ್ತೆ ಪಕ್ಕ ಇರೋ ಮನೆ ಕಟ್ಟೆಗೆ ನೆಟ್ಬಂದು ಮತ್ತೆ ಆರತಿ ಮಡ್ಸ್ಕೊಳ್ತಿದ್ವಿ, ನಮ್ಮಜ್ಜ ಮತ್ತೆ ೫ ರೂಪಾಯಿ ಕೊಡ್ತಿದ್ರು ಪ್ರತಿಯೊಬ್ರಿಗುನು )).

ಅಷ್ಟಾದ್ಮೇಲೆ ದೇವಸ್ತಾನದಲ್ಲಿ ನಡಿಯೋ ಹೊಸ ಅಳಿಯನ ಕಾರ್ತಿಕಕ್ಕೆ (ಅಂದ್ರೆ ಆ ವರ್ಷದಲ್ಲಿ ಯಾರ ಮನೆಗೆ ಹೊಸ ಅಳಿಯ ಬಂದಿರ್ತನೋ ಅವ್ರ ಮನೆ ಕಾರ್ತೀಕ) ಓಡ್ತಿದ್ವಿ. ಅಲ್ಲಿ ಪೂಜೆ ಅದಮೇಲೆ ಕೊಡೊ ಪ್ರಸಾದ ತಿಂದು ಮನೆ ಕಡೆ ಓಡಿಹೋದರೆ ಅಲ್ಲಿಗೆ ನಮ್ಮ ದೀಪಾವಳಿ ಮುಗೀತು.

ಓಹ್ ಹಂಗಂತ ಇಷ್ಟಕ್ಕೆ ಮುಗಿಲಿಲ್ಲ ದೀಪಾವಳಿ ಹಬ್ಬ. ಮಾರನೇ ದಿನ ಬೆಳಿಗ್ಗೆ ಎದ್ದು ಸ್ನಾನ ತಿಂಡಿ ಮುಗ್ಸ್ಕೊಂಡು, ತಳಗಿನಮನೆ ಬಸವಣ್ಣನ ಪೂಜೆಗೆ ತೆಂಗಿನ ಕಾಯಿನ ಹೊತ್ಕೊಂಡು ಹೋಗಬೇಕಿತ್ತು ( ಅದೋ ಮನೇಲಿ ಎಷ್ಟು ಕಾಲ್ನಡೆ ಇರತ್ತೋ ಅಷ್ಟು ತೆಂಗಿನಕಾಯಿ). ಇದೂ ಒಂತರ ಸಾಹಸನೆ, ಯಾಕೆಂದ್ರೆ ತೆಂಗಿನಕಾಯಿ ಚೀಲ ಹೊತ್ಕೊಂಡು ಹುಲಿಗುಡ್ದ ಹತ್ತಿ, ಮತ್ತೆ ಆ ಕಡೆ ತಪ್ಪಲಲ್ಲಿ ಇರೋ ತಳಗಿನಮನೆ ಗ್ರಾಮಕ್ಕೆ ಹೋಗೋದು ಅಂದ್ರೆ ಸುಮಾರಿನ ವಿಚಾರ ಅಲ್ಲ. ಆದ್ರೆ ಅಲ್ಲಿಗೆ ಹೋಗೋದು ಒಂತರ ಮಜಾ ಕೊಡ್ತಿತ್ತು, ಊರಿನ ಎಲ್ಲ ಹುಡುಗ್ರು ಕಾಯಿಚೀಲ ಹೊತ್ಕೊಂಡು ಅಲ್ಲಿಗೆ ಹೋಗಿ ಬಸವಣ್ಣನ ಪೂಜೆ ಮಾಡ್ಕೊಂಡು ಬರತಿದ್ವಿ. ಮನೆಗೆ ಬಂದ್ಮೇಲೆ, ಅದೆಲ್ಲ ಕಾಯಿನು ತುರಿದುಕೊಟ್ರೆ, ಅಮ್ಮ ಬಿಸಿ ಬಿಸಿ ತೆಂಗಿನ ಕಾಯಿ ಮಿಠಾಯಿ ಮಾಡ್ಕೊಡ್ತಿದ್ರು :))

ಅಂತು ಇಂತೂ ಇಲ್ಲಿಗೆ ಮುಗೀತು ನನ್ನ ದೀಪಾವಳಿ ಪುರಾಣ :)